సామవేదము - పూర్వార్చికః - షష్ఠ ప్రపాఠకః - ప్రథమోऽర్ధః
| ←ముందరి అధ్యాయము | సామవేదము (సామవేదము - పూర్వార్చికః - షష్ఠ ప్రపాఠకః - ప్రథమోऽర్ధః) | తరువాతి అధ్యాయము→ |
పూర్వార్చికః - షష్ఠ ప్రపాఠకః - ప్రథమోऽర్ధః - సూక్తము 1 మార్చు
ఉపో షు జాతమప్తురం గోభిర్భఙ్గం పరిష్కృతమ్|
ఇన్దుం దేవా అయాసిషుః|| 1-6-1-01-01
పునానో అక్రమీదభి విశ్వా మృధో విచర్షణిః|
శుమ్భన్తి విప్రం ధీతిభిః|| 1-6-1-01-02
ఆవిశన్కలశఁ సుతో విశ్వా అర్షన్నభి శ్రియః|
ఇన్దురిన్ద్రాయ ధీయతే|| 1-6-1-01-03
అసర్జి రథ్యో యథా పవిత్రే చమ్వోః సుతః|
కార్ష్మన్వాజీ న్యక్రమీత్|| 1-6-1-01-04
ప్ర యద్గావో న భూర్ణయస్త్వేషా అయాసో అక్రముః|
ఘ్నన్తః కృష్ణామప త్వచమ్|| 1-6-1-01-05
అపఘ్నన్పవసే మృధః క్రతువిత్సోమ మత్సరః|
నుదస్వాదేవయుం జనమ్|| 1-6-1-01-06
అయా పవస్వ ధారయా యయా సూర్యమరోచయః|
హిన్వానో మానుషీరపః|| 1-6-1-01-07
స పవస్వ య ఆవిథేన్ద్రం వృత్రాయ హన్తవే|
వవ్రివాఁసం మహీరపః|| 1-6-1-01-08
అయా వీతీ పరి స్రవ యస్త ఇన్దో మదేష్వా|
అవాహన్నవతీర్నవ|| 1-6-1-01-09
పరి ద్యుక్షఁ సనద్రాయిం భరద్వాజం నో అన్ధసా|
స్వానో అర్ష పవిత్ర ఆ|| 1-6-1-01-10
పూర్వార్చికః - షష్ఠ ప్రపాఠకః - ప్రథమోऽర్ధః - సూక్తము 2 మార్చు
అచిక్రదద్వృషా హరిర్మహాన్మిత్రో న దర్శతః|
సఁ సూర్యేణ దిద్యుతే|| 1-6-1-02-01
ఆ తే దక్షం మయోభువం వహ్నిమద్యా వృణీమహే|
పాన్తమా పురుస్పృహమ్|| 1-6-1-02-02
అధ్వర్యో అద్రిభిః సుతఁ సోమం పవిత్ర ఆ నయ|
పునీహీన్ద్రాయ పాతవే|| 1-6-1-02-03
తరత్స మన్దీ ధావతి ధారా సుతస్యాన్ధసః|
తరత్స మన్దీ ధావతి|| 1-6-1-02-04
ఆ పవస్వ సహస్రిణఁ రయిఁ సోమ సువీర్యమ్|
అస్మే శ్రవాఁసి ధారయ|| 1-6-1-02-05
అను ప్రత్నాస ఆయవః పదం నవీయో అక్రముః|
రుచే జనన్త సూర్యమ్|| 1-6-1-02-06
అర్షా సోమ ద్యుమత్తమోऽభి ద్రోణాని రోరువత్|
సీదన్యోనౌ యోనేష్వా|| 1-6-1-02-07
వృషా సోమ ద్యుమాఁ అసి వృషా దేవ వృషవ్రతః|
వృషా ధర్మాణి దధ్రిషే|| 1-6-1-02-08
ఇషే పవస్వ ధారయా మృజ్యమానో మనీషిభిః|
ఇన్దో రుచాభి గా ఇహి|| 1-6-1-02-09
మన్ద్రయా సోమ ధారయా వృషా పవస్వ దేవయుః|
అవ్యో వారేభిరస్మయుః|| 1-6-1-02-10
అయా సోమ సుకృత్యపా మహాన్త్సన్నభ్యవర్ధథాః|
హిన్దాన ఇద్వృషాయసే|| 1-6-1-02-11
అయం విచర్షణిర్హితః పవమానః స చేతతి|
హిన్వాన ఆప్యం బృహత్|| 1-6-1-02-12
ప్ర ణ ఇన్దో మహే తు న ఊర్మిం న బిభ్రదర్షసి|
అభి దేవాఁ అయాస్యః|| 1-6-1-02-13
అపఘ్నన్పవతే మృధోऽప సోమో అరావ్ణః|
గచ్ఛన్నిన్ద్రస్య నిష్కృతమ్|| 1-6-1-02-14
పూర్వార్చికః - షష్ఠ ప్రపాఠకః - ప్రథమోऽర్ధః - సూక్తము 3 మార్చు
పునానః సోమ ధారయాపో వసానో అర్షసి|
ఆ రత్నధా యోనిమృతస్య సీదస్యుత్సో దేవో హిరణ్యయః|| 1-6-1-03-01
పరీతో షిఞ్చతా సుతఁ సోమో య ఉత్తమఁ హవిః|
దధన్వాఁ యో నర్యో అప్స్వా3న్తరా సుషావ సోమమద్రిభిః|| 1-6-1-03-02
ఆ సోమ స్వానో అద్రిభిస్తిరో వారాణ్యవ్యయా|
జనో న పురి చమ్వోర్విశద్ధరిః సదో వనేషు దధ్రిషే|| 1-6-1-03-03
ప్ర సోమ దేవవీతయే సిన్ధుర్న పిప్యే అర్ణసా|
అఁశోః పయసా మదిరో న జాగృవిరచ్ఛా కోశం మధుశ్చుతమ్|| 1-6-1-03-04
సోమ ఉ ష్వాణః సోతృభిరధి ష్ణుభిరవీనామ్|
అశ్వయేవ హరితా యాతి ధారయా మన్ద్రయా యాతి ధారయా|| 1-6-1-03-05
తవాహఁ సోమ రారణ సఖ్య ఇన్దో దివేదివే|
పురూణి బభ్రో ని చరన్తి మామవ పరిధీఁరతి తాఁ ఇహి|| 1-6-1-03-06
మృజ్యమానః సుహస్త్యా సముద్రే వాచమిన్వసి|
రయిం పిశఙ్గం బహులం పురుస్పృహం పవమానాభ్యర్షసి|| 1-6-1-03-07
అభి సోమాస ఆయవః పవన్తే మద్యం మదమ్|
సముద్రస్యాధి విష్టపే మనీషిణో మత్సరాసో మదచ్యుతః|| 1-6-1-03-08
పునానః సోమ జాగృవిరవ్యా వారైః పరి ప్రియః|
త్వం విప్రో అభవోऽఙ్గిరస్తమ మధ్వా యజ్ఞం మిమిక్ష ణః|| 1-6-1-03-09
ఇన్ద్రాయ పవతే మదః సోమో మరుత్వతే సుతః|
సహస్రధారో అత్యవ్యమర్షతి తమీ మృజన్త్యాయవః|| 1-6-1-03-10
పవస్వ వాజసాతమోऽభి విశ్వాని వార్యా|
త్వఁ సముద్రః ప్రథమే విధర్మం దేవేభ్యం సోమ మత్సరః|| 1-6-1-03-11
పవమానా అసృక్షత పవిత్రమతి ధారయా|
మరుత్వన్తో మత్సరా ఇన్ద్రియా హయా మేధామభి ప్రయాఁసి చ|| 1-6-1-03-12
పూర్వార్చికః - షష్ఠ ప్రపాఠకః - ప్రథమోऽర్ధః - సూక్తము 4 మార్చు
ప్ర తు ద్రవ పరి కోశం ని షీద నృభిః పునానో అభి వాజమర్ష|
అశ్వం న త్వా వాజినం మర్జయన్తోऽచ్ఛా బర్హీ రశనాభిర్నయన్తి|| 1-6-1-04-01
ప్ర కావ్యముశనేవ బ్రువాణో దేవో దేవానాం జనిమా వివక్తి|
మహివ్రతః శుచిబన్ధుః పావకః పదా వరాహో అభ్యేతి రేభన్|| 1-6-1-04-02
తిస్రో వాచ ఈరయతి ప్ర వహ్నిరృతస్య ధీతిం బ్రహ్మణో మనీషామ్|
గావో యన్తి గోపతిం పృచ్ఛమానాః సోమం యన్తి మతయో వావశానాః|| 1-6-1-04-03
అస్య ప్రేషా హేమనా పూయమానో దేవో దేవేభిః సమపృక్త రసమ్|
సుతః పవిత్రం పర్యేతి రేభన్మితేవ సద్మ పశుమన్తి హోతా|| 1-6-1-04-04
సోమః పవతే జనితా మతీనాం జనితా దివో జనితా పృథివ్యాః|
జనితాగ్నేర్జనితా సూర్యస్య జనితేన్ద్రస్య జనితోత విష్ణోః|| 1-6-1-04-05
అభి త్రిపృష్ఠం వృషణం వయోధామాఙ్గోషిణమవావశన్త వాణీః|
వనా వసానో వరుణో న సిన్ధూర్వి రత్నధా దయతే వార్యాణి|| 1-6-1-04-06
అక్రాన్త్సముద్రః ప్రథమే విధర్మం జనయన్ప్రజా భువనస్య గోపాః|
వృషా పవిత్రే అధి సానో అవ్యే బృహత్సోమో వావృధే స్వానో అద్రిః|| 1-6-1-04-07
కనిక్రన్తి హరిరా సృజ్యమానః సీదన్వనస్య జఠరే పునానః|
నృభిర్యతః కృణుతే నిర్ణిజం గామతో మతిం జనయత స్వధాభిః|| 1-6-1-04-08
ఏష స్య తే మధుమాఁ ఇన్ద్ర సోమో వృషా వృష్ణః పరి పవిత్రే అక్షాః|
సహస్రదాః శతదా భూరిదావా శశ్వత్తమం బర్హిరా వాజ్యస్థాత్|| 1-6-1-04-09
పవస్వ సోమ మధుమాఁ ఋతావాపో వసానో అధి సానో అవ్యే|
అవ ద్రోణాని ఘృతవన్తి రోహ మదిన్తమో మత్సర ఇన్ద్రపానః|| 1-6-1-04-10
పూర్వార్చికః - షష్ఠ ప్రపాఠకః - ప్రథమోऽర్ధః - సూక్తము 5 మార్చు
ప్ర సేనానీః శూరో అగ్రే రథానాం గవ్యన్నేతి హర్షతే అస్య సేనా|
భద్రాన్కృణ్వన్నిన్ద్రహవాన్త్సఖిభ్య ఆ సోమో వస్త్రా రభసాని దత్తే|| 1-6-1-05-01
ప్ర తే ధారా మధుమతీరసృగ్రన్వారం యత్పూతో అత్యేష్యవ్యమ్|
పవమాన పవసే ధామ గోనాం జనయన్త్సూర్యమపిన్వో అర్కైః|| 1-6-1-05-02
ప్ర గాయతాభ్యర్చామ దేవాన్త్సోమఁ హినోత మహతే ధనాయ|
స్వాదుః పవతామతి వారమవ్యమా సీదతు కలశం దేవ ఇన్దుః|| 1-6-1-05-03
ప్ర హిన్వానో జనితా రోదస్యో రథో న వాజఁ సనిషన్నయాసీత్|
ఇన్ద్రం గచ్ఛన్నాయుధా సఁశిశానో విశ్వా వసు హస్తయోరాదధానః|| 1-6-1-05-04
తక్షద్యదీ మనసో వేనతో వాగ్జ్యేష్ఠస్య ధర్మం ద్యుక్షోరనీకే|
ఆదీమాయన్వరమా వావశానా జుష్టం పతిం కలశే గావ ఇన్దుమ్|| 1-6-1-05-05
సాకముక్షో మర్జయన్త స్వసారో దశ ధీరస్య ధీతయో ధనుత్రీః|
హరిః పర్యద్రవజ్జాః సూర్యస్య ద్రోణం ననక్షే అత్యో న వాజీ|| 1-6-1-05-06
అధి యదస్మిన్వాజినీవ శుభః స్పర్ధన్తే ధియః సూరే న విశః|
అపో వృణానః పవతే కవీయన్వ్రజం న పశువర్ధనాయ మన్మ|| 1-6-1-05-07
ఇన్దుర్వాజీ పవతే గోన్యోఘా ఇన్ద్రే సోమః సహ ఇన్వన్మదాయ|
హన్తి రక్షో బాధతే పర్యరాతిం వరివస్కృణ్వన్వృజనస్య రాజా|| 1-6-1-05-08
అయా పవా పవస్వైనా వసూని మాఁశ్చత్వ ఇన్ద్రో సరసి ప్ర ధన్వ|
బ్రఘ్నశ్చిద్యస్య వాతో న జూతిం పురుమేధాశ్చిత్తకవే నరం ధాత్|| 1-6-1-05-09
మహత్తత్సోమో మహిషశ్చకారాపాం యద్గర్భోऽవృణీత దేవాన్|
అదధాదిన్ద్రే పవమాన ఓజోऽజనయత్సూర్యే జ్యోతిరిన్దుః|| 1-6-1-05-10
అసర్జి వక్వా రథ్యే యథాజౌ ధియా మనోతా ప్రథమా మనీష|
దశ స్వసారో అధి సానో అవ్యే మృజన్తి వహ్నిఁ సదనేష్వచ్ఛ|| 1-6-1-05-11
అపామివేదూర్మయస్తర్త్తురాణాః ప్ర మనీషా ఈరతే సోమమచ్ఛ|
నమస్యన్తీరుప చ యన్తి సం చాచ విశన్త్యుశతీరుశన్తమ్|| 1-6-1-05-012