సామవేదము - పూర్వార్చికః - ద్వితీయ ప్రపాఠకః - ద్వితీయోऽర్ధః
| ←ముందరి అధ్యాయము | సామవేదము (సామవేదము - పూర్వార్చికః - ద్వితీయ ప్రపాఠకః - ద్వితీయోऽర్ధః) | తరువాతి అధ్యాయము→ |
పూర్వార్చికః - ద్వితీయ ప్రపాఠకః - ద్వితీయోऽర్ధః - సూక్తము 1 మార్చు
అపాదు శిప్రయన్ధసః సుదక్షస్య ప్రహోషిణః|
ఇన్ద్రోరిన్ద్రో యవాశిరః|| 1-2-2-01-01
ఇమా ఉ త్వా పురువసోऽభి ప్ర నోనవుర్గిరః|
గావో వత్సం న ధేనవః|| 1-2-2-01-02
అత్రాహ గోరమన్వత నామ త్వష్టురపీచ్యమ్|
ఇత్థా చన్ద్రమసో గృహే|| 1-2-2-01-03
యదిన్ద్రో అనయద్రితో మహీరపో వృషన్తమః|
తత్ర పూషాభువత్సచా|| 1-2-2-01-03
గౌర్ధయతి మరుతాఁ శ్రవస్యుర్మాతా మఘోనామ్
యుక్తా వహ్నీ రథానామ్|| 1-2-2-01-04
ఉప నో హరిభిః సుతం యాహి మదానాం పతే|
ఉప నో హరిభిః సుతమ్|| 1-2-2-01-05
ఇష్టా హోత్రా అసృక్షతేన్ద్రం వృధన్తో అధ్వరే|
అచ్ఛావభృథమోజసా|| 1-2-2-01-06
అహమిద్ధి పితుష్పరి మేధామృతస్య జగ్రహ|
అహఁ సూర్య ఇవాజని|| 1-2-2-01-07
రేవతీర్నః సధమాద ఇన్ద్రే సన్తు తువివాజాః|
క్షుమన్తో యాభిర్మదేమ|| 1-2-2-01-08
సోమః పూషా చ చేతతుర్విశ్వాసాఁ సుక్షితీనామ్|
దేవత్రా రథ్యోర్హితా|| 1-2-2-01-09
పూర్వార్చికః - ద్వితీయ ప్రపాఠకః - ద్వితీయోऽర్ధః - సూక్తము 2 మార్చు
పాన్తమా వో అన్ధస ఇన్ద్రమభి ప్ర గాయత|
విశ్వాసాహఁ శతక్రతుం మఁహిష్ఠం చర్షణీనామ్|| 1-2-2-02-01
ప్ర వ ఇన్ద్రాయ మాదనఁ హర్యశ్వాయ గాయత|
సఖాయః సోమపావ్నే|| 1-2-2-02-02
వయము త్వా తదిదర్థా ఇన్ద్ర త్వాయన్తః సఖాయః|
కణ్వా ఉక్థేభిర్జరన్తే|| 1-2-2-02-03
ఇన్ద్రాయ మద్వనే సుతం పరి ష్టోభన్తు నో గిరః|
అర్కమర్చన్తు కారవః|| 1-2-2-02-04
అయం త ఇన్ద్ర సోమో నిపూతో అధి బర్హిషి|
ఏహీమస్య ద్రవా పిబ|| 1-2-2-02-05
సురూపకృత్నుమూతయే సుదుఘామివ గోదుహే|
జుహూమసి ద్యవిద్యవి|| 1-2-2-02-06
అభి త్వా వృషభా సుతే సుతఁ సృజామి పీతయే|
తృమ్పా వ్యశ్నుహీ మదమ్|| 1-2-2-02-07
య ఇన్ద్ర చమసేష్వా సోమశ్చమూషు తే సుతః|
పిబేదస్య త్వమీశిషే|| 1-2-2-02-08
యోగేయోగే తవస్తరం వాజేవాజే హవామహే|
సఖాయ ఇన్ద్రమూతయే|| 1-2-2-02-09
ఆ త్వేతా ని షీదతేన్ద్రమభి ప్ర గాయత|
సఖాయః స్తోమవాహసః|| 1-2-2-02-10
పూర్వార్చికః - ద్వితీయ ప్రపాఠకః - ద్వితీయోऽర్ధః - సూక్తము 3 మార్చు
ఇదఁ హ్యన్వోజసా సుతఁ రాధానాం పతే|
పిబా త్వా3స్య గిర్వణః|| 1-2-2-03-01
మహాఁ ఇన్ద్రః పురశ్చ నో మహిత్వమస్తు వజ్రిణే|
ద్యౌర్న ప్రథినా శవః|| 1-2-2-03-02
ఆ తూ న ఇన్ద్ర క్షుమన్తం చిత్రం గ్రాభఁ సం గృభాయ|
మహాహస్తీ దక్షిణేన|| 1-2-2-03-03
అభి ప్ర గోపతిం గిరేన్ద్రమర్చ యథా విదే|
సూనుఁ సత్యస్య సత్పతిమ్|| 1-2-2-03-04
కయా నశ్చిత్ర ఆ భువదూతీ సదావృధః సఖా|
కయా శచిష్ఠయా వృతా|| 1-2-2-03-05
త్యము వః సత్రాసాహం విశ్వాసు గీర్ష్వాయతమ్|
ఆ చ్యావయస్యూతయే|| 1-2-2-03-06
సదసస్పతిమద్భుతం ప్రియమిన్ద్రస్య కామ్యమ్|
సనిం మేధామయాసిషమ్|| 1-2-2-03-07
యే తే పన్థా అధో దివో యేభిర్వ్యశ్వమైరయః|
ఉత శ్రోషన్తు నో భువః|| 1-2-2-03-08
భద్రంభద్రం న ఆ భరేషమూర్జఁ శతక్రతో|
యదిన్ద్ర మృడయాసి నః|| 1-2-2-03-09
అస్తి సోమో అయఁ సుతః పిబన్త్యస్య మరుతః|
ఉత స్వరాజో అశ్వినా|| 1-2-2-03-10
పూర్వార్చికః - ద్వితీయ ప్రపాఠకః - ద్వితీయోऽర్ధః - సూక్తము 4 మార్చు
ఈఙ్ఖయన్తీరపస్యువ ఇన్ద్రం జాతముపాసతే|
వన్వానాసః సువీర్యమ్|| 1-2-2-04-01
న కి దేవా ఇనీమసి న క్యా యోపయామసి|
మన్త్రశ్రుత్యం చరామసి|| 1-2-2-04-02
దోషో ఆగాద్బృహద్గాయ ద్యుమద్గామన్నాథర్వణ|
స్తుహి దేవఁ సవితారమ్|| 1-2-2-04-03
ఏషో ఉషా అపూర్వ్యా వ్యుచ్ఛతి ప్రియా దివః|
స్తుషే వామశ్వినా బృహత్|| 1-2-2-04-04
ఇన్ద్రో దధీచో అస్థభిర్వృత్రాణ్యప్రతిష్కుతః|
జఘాన నవతీర్నవ|| 1-2-2-04-05
ఇన్ద్రేహి మత్స్యన్ధసో విశ్వేభిః సోమపర్వభిః|
మహాఁ అభిష్టిరోజసా|| 1-2-2-04-06
ఆ తూ న ఇన్ద్ర వృత్రహన్నస్మాకమర్ధమా గహి|
మహాన్మహీభిరూతిభిః|| 1-2-2-04-07
ఓజస్తదస్య తిత్విష ఉభే యత్సమవర్తయత్|
ఇన్ద్రశ్చర్మేవ రోదసీ|| 1-2-2-04-08
అయము తే సమతసి కపోత ఇవ గర్భధిమ్|
వచస్తచ్చిన్న ఓహసే|| 1-2-2-04-09
వాత ఆ వాతు బేషజఁ శమ్భు మయోభు నో హృదే|
ప్ర న అయూఁషి తారిషత్|| 1-2-2-04-10
పూర్వార్చికః - ద్వితీయ ప్రపాఠకః - ద్వితీయోऽర్ధః - సూక్తము 5 మార్చు
యఁ రక్షన్తి ప్రచేతసో వరుణో మిత్రో అర్యమా|
న కిః స దభ్యతే జనః|| 1-2-2-05-01
గవ్యో షు ణో యథా పురాశ్వయోత రథయా|
వరివస్యా మహోనామ్|| 1-2-2-05-02
ఇమాస్త ఇన్ద్ర పృశ్నయో ఘృతం దుహత ఆశిరమ్|
ఏనామృతస్య పిప్యుషీః|| 1-2-2-05-03
అయా ధియా చ గవ్యయా పురుణామన్పురుష్టుత|
యత్సోమేసోమ ఆభువః|| 1-2-2-05-04
పావకా నః సరస్వతీ వాజేభిర్వాజినీవతీ|
యజ్ఞం వష్టు ధియావసుః|| 1-2-2-05-05
క ఇమం నాహుషీష్వా ఇన్ద్రఁ సోమస్య తర్పయాత్|
స నో వసూన్యా భరాత్|| 1-2-2-05-06
ఆ యాహి సుషుమా హి త ఇన్ద్ర సోమం పిబా ఇమమ్|
ఏదం బర్హిః సదో మమ|| 1-2-2-05-07
మహి త్రీణామవరస్తు ద్యుక్షం మిత్రస్యార్యమ్ణః|
దురాధర్షం వరుణస్య|| 1-2-2-05-08
త్వావతః పురూవసో వయమిన్ద్ర ప్రణేతః|
స్మసి స్థాతర్హరీణామ్|| 1-2-2-05-09