సామవేదము - పూర్వార్చికః - తృతీయ ప్రపాఠకః - ద్వితీయోऽర్ధః
| ←ముందరి అధ్యాయము | సామవేదము (సామవేదము - పూర్వార్చికః - తృతీయ ప్రపాఠకః - ద్వితీయోऽర్ధః) | తరువాతి అధ్యాయము→ |
పూర్వార్చికః - తృతీయ ప్రపాఠకః - ద్వితీయోऽర్ధః - సూక్తము 1
మార్చున కిష్టం కర్మణా నశద్యశ్చకార సదావృధమ్|
ఇన్ద్రం న యజ్ఞైర్విశ్వగూర్తమృభ్వసమధృష్టం ధృష్ణుమోజసా|| 1-3-2-01-01
య ఋతే చిదభిశ్రిషః పురా జత్రుభ్య ఆతృదః|
సన్ధాతా సన్ధిం మఘవా పురూవసుర్నిష్కర్తా విహ్రుతం పునః|| 1-3-2-01-02
ఆ త్వా సహస్రమా శతం యుక్తా రథే హిరణ్యయే|
బ్రహ్మయుజో హరయ ఇన్ద్ర కేశినో వహన్తు సోమపీతయే|| 1-3-2-01-03
ఆ మన్ద్రైరిన్ద్ర హరిభిర్యాహి మయూరరోమభిః|
మా త్వా కే చిన్ని యేమురిన్న పాశినోऽతి ధన్వేవ తాఁ ఇహి|| 1-3-2-01-04
త్వమఙ్గ ప్ర శఁసిషో దేవః శవిష్ఠ మర్త్యమ్|
న త్వదన్యో మఘవన్నస్తి మర్డితేన్ద్ర బ్రవీమి తే వచః|| 1-3-2-01-05
త్వమిన్ద్ర యశా అస్యృజీషీ శవసస్పతిః|
త్వం వృత్రాణి హఁస్యప్రతీన్యేక ఇత్పుర్వనుత్తశ్చర్షణీధృతిః|| 1-3-2-01-06
ఇన్ద్రమిద్దేవతాతయ ఇన్ద్రం ప్రయత్యధ్వరే|
ఇన్ద్రఁ సమీకే వనినో హవామహ ఇన్ద్రం ధనస్య సాతయే|| 1-3-2-01-07
ఇమా ఉ త్వా పురూవసో గిరో వర్ధన్తు యా మమ|
పావకవర్ణాః శుచయో విపశ్చితోऽభి స్తోమైరనూషత|| 1-3-2-01-08
ఉదు త్యే మధుమత్తమా గిర స్తోమాస ఈరతే|
సత్రాజితో ధనసా అక్షితోతయో వాజయన్తో రథా ఇవ|| 1-3-2-01-09
యథా గౌరో అపా కృతం తృష్యన్నేత్యవేరిణమ్|
ఆపిత్వే నః ప్రపిత్వే తూయమా గహి కణ్వేషు సు సచా పిబ|| 1-3-2-01-10
పూర్వార్చికః - తృతీయ ప్రపాఠకః - ద్వితీయోऽర్ధః - సూక్తము 2
మార్చుశగ్ధ్యూ3షు శచీపత ఇన్ద్ర విశ్వాభిరూతిభిః|
భగం న హి త్వా యశసం వసువిదమను శూర చరామసి|| 1-3-2-02-01
యా ఇన్ద్ర భుజ ఆభరః స్వర్వాఁ అసురేభ్యః|
స్తోతారమిన్మఘవన్నస్య వర్ధయ యే చ త్వే వృక్తబర్హిషః|| 1-3-2-02-02
ప్ర మిత్రాయ ప్రార్యమ్ణే సచథ్యమృతావసో|
వరూథ్యే3 వరుణే ఛన్ద్యం వచః స్తోత్రఁ రాజసు గాయత|| 1-3-2-02-03
అభి త్వా పూర్వపీతయ ఇన్ద్ర స్తోమేభిరాయవః|
సమీచీనాస ఋభవః సమస్వరన్రుద్రా గృణన్త పూర్వ్యమ్|| 1-3-2-02-04
ప్ర వ ఇన్ద్రాయ బృహతే మరుతో బ్రహ్మార్చత|
వృత్రఁ హనతి వృత్రహా శతక్రతుర్వజ్రేణ శతపర్వణా|| 1-3-2-02-05
బృహదిన్ద్రాయ గాయత మరుతో వృత్రహన్తమమ్|
యేన జ్యోతిరజనయన్నృతావృధో దేవం దేవాయ జాగృవి|| 1-3-2-02-06
ఇన్ద్ర క్రతుం న ఆ భర పితా పుత్రేభ్యో యథా|
శిక్షా ణో అస్మిన్పురుహూత యామని జీవా జ్యోతిరశీమహి|| 1-3-2-02-07
మా న ఇన్ద్ర పరా వృణగ్భవా నః సధమాద్యే|
త్వం న ఊతీ త్వమిన్న ఆప్యమ్ మా న ఇన్ద్ర పరా వృణక్|| 1-3-2-02-08
వయం ఘ త్వా సుతావన్త ఆపో న వృక్తబర్హిషః|
పవిత్రస్య ప్రస్రవణేషు వృత్రహన్పరి స్తోతార ఆసతే|| 1-3-2-02-09
యదిన్ద్ర నాహుషీష్వా ఓజో నృమ్ణం చ కృష్టిషు|
యద్వా పఞ్చ క్షితీనాం ద్యుమ్నమా భర సత్రా విశ్వాని పౌఁస్యా|| 1-3-2-02-10
పూర్వార్చికః - తృతీయ ప్రపాఠకః - ద్వితీయోऽర్ధః - సూక్తము 3
మార్చుసత్యమిత్థా వృషేదసి వృషజూతిర్నోऽవితా|
వృషా హ్యుగ్ర శృణ్విషే పరావతి వృషో అర్వావతి శ్రుతః|| 1-3-2-03-01
యచ్ఛక్రాసి పరావతి యదర్వావతి వృత్రహన్|
అతస్త్వా గీర్భిర్ద్యుగదిన్ద్ర కేశిభిః సుతావాఁ ఆ వివాసతి|| 1-3-2-03-02
అభి వో వీరమన్ధసో మదేషు గాయ గిరా మహా విచేతసమ్|
ఇన్ద్రం నామ శ్రుత్యఁ శాకినం వచో యథా|| 1-3-2-03-03
ఇన్ద్ర త్రిధాతు శరణం త్రివరూథఁ స్వస్తయే|
ఛర్దిర్యచ్ఛ మఘవద్భ్యశ్చ మహ్యం చ యావయా దిద్యుమేభ్యః|| 1-3-2-03-04
శ్రాయన్త ఇవ సూర్యం విశ్వేదిన్ద్రస్య భక్షత|
వసూని జాతో జనిమాన్యోజసా ప్రతి భాగం న దీధిమః|| 1-3-2-03-05
న సీమదేవ ఆప తదిషం దీర్ఘాయో మర్త్యః|
ఏతగ్వా చిద్యా ఏతశో యుయోజత ఇన్ద్రో హరీ యుయోజతే|| 1-3-2-03-06
ఆ నో విశ్వాసు హవ్యమిన్ద్రఁ సమత్సు భూషత|
ఉప బ్రహ్మాణి సవనాని వృత్రహన్పరమజ్యా ఋచీషమ|| 1-3-2-03-07
తవేదిన్ద్రావమం వసు త్వం పుష్యసి మధ్యమమ్|
సత్రా విశ్వస్య పరమస్య రాజసి న కిష్ట్వా గోషు వృణ్వతే|| 1-3-2-03-08
క్వేయథ క్వేదసి పురుత్రా చిద్ధి తే మనః|
అలర్షి యుధ్మ ఖజకృత్పురన్దర ప్ర గాయత్రా అగాసిషుః|| 1-3-2-03-09
వయమేనమిదా హ్యోపీపేమేహ వజ్రిణమ్|
తస్మా ఉ అద్య సవనే సుతం భరా నూనం భూషత శ్రుతే|| 1-3-2-03-10
పూర్వార్చికః - తృతీయ ప్రపాఠకః - ద్వితీయోऽర్ధః - సూక్తము 4
మార్చుయో రాజా చర్షణీనాం యాతా రథేభిరధ్రిగుః|
విశ్వాసాం తరుతా పృతనానాం జ్యేష్ఠం యో వృత్రహా గృణే|| 1-3-2-04-01
యత ఇన్ద్ర భయామహే తతో నో అభయం కృధి|
మఘవఞ్ఛగ్ధి తవ తన్న ఊతయే వి ద్విషో వి మృధో జహి|| 1-3-2-04-02
వాస్తోష్పతే ధ్రువా స్థూణాఁ సత్రఁ సోమ్యానామ్|
ద్రప్సః పురాం భేత్తా శశ్వతీనామిన్ద్రో మునీనాఁ సఖా|| 1-3-2-04-03
బణ్మహాఁ అసి సూర్య బడాదిత్య మహాఁ అసి|
మహస్తే సతో మహిమా పనిష్టమ మహ్నా దేవ మహాఁ అసి|| 1-3-2-04-04
అశ్వీ రథీ సురూప ఇద్గోమాఁ యదిన్ద్ర తే సఖా|
శ్వాత్రభాజా వయసా సచతే సదా చన్ద్రైర్యాతి సభాముప|| 1-3-2-04-05
యద్ద్యావ ఇన్ద్ర తే శతఁ శతం భూమీరుత స్యుః|
న త్వా వజ్రిన్త్సహస్రఁ సూర్యా అను న జాతమష్ట రోదసీ|| 1-3-2-04-06
యదిన్ద్ర ప్రాగపాగుదగ్న్యగ్వా హూయసే నృభిః|
సిమా పురూ నృషూతో అస్యానవేऽసి ప్రశర్ధ తుర్వశే|| 1-3-2-04-07
కస్తమిన్ద్ర త్వా వసవా మర్త్యో దధర్షతి|
శ్రద్ధా హి తే మఘవన్పార్యే దివి వాజీ వాజఁ సిషాసతి|| 1-3-2-04-08
ఇన్ద్రాగ్నీ అపాదియం పూర్వాగాత్పద్వతీభ్యః|
హిత్వా శిరో జిహ్వయా రారపచ్చరత్త్రిఁశత్పదా న్యక్రమీత్|| 1-3-2-04-09
ఇన్ద్ర నేదీయ ఏదిహి మితమేధాభిరూతిభిః|
ఆ శం తమ శం తమాభిరభిష్టిభిరా స్వాపే స్వాపిభిః|| 1-3-2-04-10
పూర్వార్చికః - తృతీయ ప్రపాఠకః - ద్వితీయోऽర్ధః - సూక్తము 5
మార్చుఇత ఊతీ వో అజరం ప్రహేతారమప్రహితమ్|
ఆశుం జేతారఁ హేతారఁ రథీతమమతూర్తం తుగ్రియావృధమ్|| 1-3-2-05-01
మో షు త్వా వాఘతశ్చ నారే అస్మన్ని రీరమన్|
ఆరాత్తాద్వా సధమాదం న ఆ గహీహ వా సన్నుప శ్రుధి|| 1-3-2-05-02
సునోత సోమపావ్నే సోమమిన్ద్రాయ వజ్రిణే|
పచతా పక్తీరవసే కృణుధ్వమిత్పృణన్నిత్పృణతే మయః|| 1-3-2-05-03
యః సత్రాహా విచర్షణిరిన్ద్రం తఁ హూమహే వయమ్|
సహస్రమన్యో తువినృమ్ణ సత్పతే భవా సమత్సు నో వృధే|| 1-3-2-05-04
శచీభిర్నః శచీవసూ దివానక్తం దిశస్యతమ్|
మా వాఁ రాతిరుప దసత్కదా చ నాస్మద్రాతిః కదా చ న|| 1-3-2-05-05
యదా కదా చ మీఢుషే స్తోతా జరేత మర్త్యః|
ఆదిద్వన్దేత వరుణం విపా గిరా ధర్త్తారం వివ్రతానామ్|| 1-3-2-05-06
పాహి గా అన్ధసో మద ఇన్ద్రాయ మేధ్యాతిథే|
యః సమ్మిశ్లో హర్యోర్యో హిరణ్యయ ఇన్ద్రో వజ్రీ హిరణ్యయః|| 1-3-2-05-07
ఉభయఁ శృణవచ్చ న ఇన్ద్రో అర్వాగిదం వచః|
సత్రాచ్యా మఘవాన్త్సోమపీతయే ధియా శవిష్ఠ ఆ గమత్|| 1-3-2-05-08
మహే చ న త్వాద్రివః పరా శుల్కాయ దీయసే|
న సహస్రాయ నాయుతాయే వజ్రివో న శతాయ శతామఘ|| 1-3-2-05-09
వస్యాఁ ఇన్ద్రాసి మే పితురుత భ్రాతురభుఞ్జతః|
మాతా చ మే ఛదయథః సమా వసో వసుత్వనాయ రాధసే|| 1-3-2-05-10