సామవేదము - పూర్వార్చికః - చతుర్థ ప్రపాఠకః - ద్వితీయోऽర్ధః
| ←ముందరి అధ్యాయము | సామవేదము (సామవేదము - పూర్వార్చికః - చతుర్థ ప్రపాఠకః - ద్వితీయోऽర్ధః) | తరువాతి అధ్యాయము→ |
పూర్వార్చికః - చతుర్థ ప్రపాఠకః - ద్వితీయోऽర్ధః - సూక్తము 1
మార్చుగాయన్తి త్వా గాయత్రిణోऽర్చన్త్యర్కమర్కిణః|
బ్రహ్మాణస్త్వా శతక్రత ఉద్వఁశమివ యేమిరే|| 1-4-2-01-01
ఇన్ద్రం విశ్వా అవీవృధన్త్సముద్రవ్యచసం గిరః|
రథీతమఁ రథీనాం వాజానాఁ సత్పతిం పతిమ్|| 1-4-2-01-02
ఇమమిన్ద్ర సుతం పిబ జ్యేష్ఠమమర్త్యం మదమ్|
శుక్రస్య త్వాభ్యక్షరన్ధారా ఋతస్య సాదనే|| 1-4-2-01-03
యదిన్ద్ర చిత్ర మ ఇహ నాస్తి త్వాదాతమద్రివః|
రాధస్తన్నో విదద్వస ఉభయాహస్త్యా భర|| 1-4-2-01-04
శ్రుదీ హవం తిరశ్చ్యా ఇన్ద్ర యస్త్వా సపర్యతి|
సువీర్యస్య గోమతో రాయస్పూర్ధి మహాఁ అసి|| 1-4-2-01-05
అసావి సోమ ఇన్ద్ర తే శవిష్ఠ ధృష్ణవా గహి|
ఆ త్వా పృణక్త్విన్ద్రియఁ రజః సూర్యో న రశ్మిభిః|| 1-4-2-01-06
ఏన్ద్ర యాహి హరిభిరుప కణ్వస్య సుష్టుతిమ్|
దివో అముష్య శాసతో దివం యయ దివావసో|| 1-4-2-01-07
ఆ త్వా గిరో రథీరివాస్థుః సుతేషు గిర్వణః|
అభి త్వా సమనూషత గావో వత్సం న ధేనవః|| 1-4-2-01-08
ఏతో న్విన్ద్రఁ స్తవామ శుద్ధఁ శుద్ధేన సామ్నా|
శుద్ధైరుక్థైర్వావృధ్వాఁసఁ శుద్ధైరాశీర్వాన్మమత్తు|| 1-4-2-01-09
యో రయిం వో రయిన్తమో యో ద్యుమ్నైర్ద్యుమ్నవత్తమః|
సోమః సుతః స ఇన్ద్ర తేऽస్తి స్వధాపతే మదః|| 1-4-2-01-10
పూర్వార్చికః - చతుర్థ ప్రపాఠకః - ద్వితీయోऽర్ధః - సూక్తము 2
మార్చుప్రత్యస్మై పిపీషతే విశ్వాని విదుషే భర|
అరఙ్గమాయ జగ్మయేऽపశ్చాదధ్వనే నరః|| 1-4-2-02-01
ఆ నో వయోవయఃశయం మహాన్తం గహ్వరేష్ఠాం మహాన్తం పూర్వినేష్ఠామ్|
ఉగ్రం వచో అపావధీః|| 1-4-2-02-02
ఆ త్వా రథం యథోతయే సుమ్నాయ వర్తయామసి|
తువికూర్మిమృతీషహమిన్ద్రఁ శవిష్ఠ సత్పతిమ్|| 1-4-2-02-03
స పూర్వ్యో మహోనాం వేనః క్రతుభిరానజే|
యస్య ద్వారా మనుః పితా దేవేషు ధియ ఆనజే|| 1-4-2-02-03
యదీ వహన్త్యాశవో భ్రాజమానా రథేష్వా|
పిబన్తో మదిరం మధు తత్ర శ్రవాఁసి కృణ్వతే|| 1-4-2-02-04
త్యము వో అప్రహణం గృణీషే శవసస్పతిమ్|
ఇన్ద్రం విశ్వాసాహం నరఁ శచిష్ఠం విశ్వవేదసమ్|| 1-4-2-02-05
దధిక్రావ్ణో అకారిషం జిష్ణోరశ్వస్య వాజినః|
సురభి నో ముఖా కరత్ప్ర న ఆయూఁషి తారిషత్|| 1-4-2-02-06
పురాం భిన్దుర్యువా కవిరమితౌజా అజాయత|
ఇన్ద్రో విశ్వస్య కర్మణో ధర్త్తా వజ్రీ పురుష్టుతః|| 1-4-2-02-07
పూర్వార్చికః - చతుర్థ ప్రపాఠకః - ద్వితీయోऽర్ధః - సూక్తము 3
మార్చుప్రప్ర వస్త్రిష్టుభమిషం వన్దద్వీరాయేన్దవే|
ధియా వో మేధసాతయే పురన్ధ్యా వివాసతి|| 1-4-2-03-01
కశ్యపస్య స్వర్విదో యావాహుః సయుజావితి|
యయోర్విశ్వమపి వ్రతం యజ్ఞం ధీరా నిచాయ్య|| 1-4-2-03-02
అర్చత ప్రార్చతా నరః ప్రియమేధాసో అర్చత|
అర్చన్తు పుత్రకా ఉత పురమిద్ధృష్ణ్వర్చత|| 1-4-2-03-03
ఉక్థమిన్ద్రాయ శఁస్యం వర్ధనం పురునిఃషిధే|
శక్రో యథా సుతేషు నో రారణత్సఖ్యేషు చ|| 1-4-2-03-04
విశ్వానరస్య వస్పతిమనానతస్య శవసః|
ఏవైశ్చ చర్షణీనామూతీ హువే రథానామ్|| 1-4-2-03-05
స ఘా యస్తే దివో నరో ధియా మర్తస్య శమతః|
ఊతీ స బృహతో దివో ద్విషో అఁహో న తరతి|| 1-4-2-03-06
విభోష్ట ఇన్ద్ర రాధసో విభ్వీ రాతిః శతక్రతో|
అథా నో విశ్వచర్షణే ద్యుమ్నఁ సుదత్ర మఁహయ|| 1-4-2-03-07
వయశ్చిత్తే పతత్రిణో ద్విపాచ్చతుష్పాదర్జుని|
ఉషః ప్రారన్నృతూఁరను దివో అన్తేభ్యస్పరి|| 1-4-2-03-08
అమీ యే దేవా స్థన మధ్య ఆ రోచనే దివః|
కద్వ ఋతం కదమృతం కా ప్రత్నా వ ఆహుతిః|| 1-4-2-03-09
ఋచఁ సామ యజామహే యాభ్యాం కర్మాణి కృణ్వతే|
వి తే సదసి రాజతో యజ్ఞం దేవేషు వక్షతః|| 1-4-2-03-10
పూర్వార్చికః - చతుర్థ ప్రపాఠకః - ద్వితీయోऽర్ధః - సూక్తము 4
మార్చువిశ్వాః పృతనా అభిభూతరం నరః సజూస్తతక్షురిన్ద్రం జజనుశ్చ రాజసే|
క్రత్వే వరే స్థేమన్యామురీముతోగ్రమోజిష్ఠం తరసం తరస్వినమ్|| 1-4-2-04-01
శ్రత్తే దధామి ప్రథమాయ మన్యవేऽహన్యద్దస్యుం నర్యం వివేరపః|
ఉభే యత్వా రోదసీ ధావతామను భ్యసాత్తే శుష్మాత్పృథివీ చిదద్రివః|| 1-4-2-04-02
సమేత విశ్వా ఓజసా పతిం దివో య ఏక ఇద్భూరతిథిర్జనానామ్
స పూర్వ్యో నూతనమాజిగీషం తం వర్త్తనీరను వావృత ఏక ఇత్|| 1-4-2-04-03
ఇమే త ఇన్ద్ర తే వయం పురుష్టుత యే త్వారభ్య చరామసి ప్రభూవసో|
న హి త్వదన్యో గిర్వణో గిరః సఘత్క్షోణీరివ ప్రతి తద్ధర్య నో వచః|| 1-4-2-04-04
చర్షణీధృతం మఘవానముక్థ్యా3మిన్ద్రం గిరో బృహతీరభ్యనూషత|
వావృధానం పురుహూతఁ సువృక్తిభిరమర్త్యం జరమాణం దివేదివే|| 1-4-2-04-05
అచ్ఛా వ ఇన్ద్రం మతయః స్వర్యువః సధ్రీచీర్విశ్వా ఉశతీరనూషత|
పరి ష్వజన్త జనయో యథా పతిం మర్యం న శున్ధ్యుం మఘవానమూతయే|| 1-4-2-04-06
అభి త్యం మేషం పురుహూతమృగ్మియమిన్ద్రం గీర్భిర్మదతా వస్వో అర్ణవమ్|
యస్య ద్యావో న విచరన్తి మానుషం భుజే మఁహిష్ఠమభి విప్రమర్చత|| 1-4-2-04-07
త్యఁ సు మేషం మహయా స్వర్విదఁ శతం యస్య సుభువః సాకమీరతే|
అత్యం న వాజఁ హవనస్యదఁ రథమేన్ద్రం వవృత్యామవసే సువృక్తిభిః|| 1-4-2-04-08
ఘృతవతీ భువనానామభిశ్రియోర్వీ పృథ్వీ మధుదుఘే సుపేశసా|
ద్యావాపృథివీ వరుణస్య ధర్మణా విష్కభితే అజరే భూరిరేతసా|| 1-4-2-04-09
ఉభే యదిన్ద్ర రోదసీ ఆపప్రాథోషా ఇవ|
మహాన్తం త్వా మహీనాఁ సమ్రాజం చర్షణీనామ్|
దేవీ జనిత్ర్యజీజనద్భద్రా జనిత్ర్యజీజనత్|| 1-4-2-04-10
ప్ర మన్దినే పితుమదర్చతా వచో యః కృష్ణగర్భా నిరహన్నృజిశ్వనా|
అవస్యవో వృషణం వజ్రదక్షిణం మరుత్వన్తఁ సఖ్యాయ హువేమహి|| 1-4-2-04-11
పూర్వార్చికః - చతుర్థ ప్రపాఠకః - ద్వితీయోऽర్ధః - సూక్తము 5
మార్చుఇన్ద్ర సుతేషు సోమేషు క్రతుం పునీష ఉక్థ్యమ్|
విదే వృధస్య దక్షస్య మహాఁ హి షః|| 1-4-2-05-01
తము అభి ప్ర గాయత పురుహూతం పురుష్టుతమ్|
ఇన్ద్రం గీర్భిస్తవిషమా వివాసత|| 1-4-2-05-02
తం తే మదం గృణీమసి వృషణం పృక్షు సాసహిమ్|
ఉ లోకకృత్నుమద్రివో హరిశ్రియమ్|| 1-4-2-05-03
యత్సోమమిన్ద్ర విష్ణవి యద్వా ఘ త్రిత ఆప్త్యే|
యద్వా మరుత్సు మన్దసే సమిన్దుభిః|| 1-4-2-05-04
ఏదు మధోర్మదిన్తరఁ సిఞ్చాధ్వర్యో అన్ధసః|
ఏవా హి వీరస్తవతే సదావృధః|| 1-4-2-05-05
ఏన్దుమిన్ద్రాయ సిఞ్చత పిబాతి సోమ్యం మధు|
ప్ర రాధాఁసి చోదయతే మహిత్వనా|| 1-4-2-05-06
ఏతో న్విన్ద్రఁ స్తవామ సఖాయః స్తోమ్యం నరమ్|
కృష్టీర్యో విశ్వా అభ్యస్త్యేక ఇత్ || 1-4-2-05-07
ఇన్ద్రాయ సామ గాయత విప్రాయ బృహతే బృహత్|
బ్రహ్మకృతే విపశ్చితే పనస్యవే|| 1-4-2-05-08
య ఏక ఇద్విదయతే వసు మర్తాయ దాశుషే|
ఈశానో అప్రతిష్కుత ఇన్ద్రో అఙ్గ|| 1-4-2-05-09
సఖాయ ఆ శిషామహే బ్రహ్మేన్ద్రాయ వజ్రిణే|
స్తుష ఊ షు వో నృతమాయ ధృష్ణవే|| 1-4-2-05-010