సామవేదము - ఉత్తర ఆర్చికః - షష్ఠ ప్రపాఠకః - ద్వితీయోऽర్ధః

←ముందరి అధ్యాయము

సామవేదము (సామవేదము - ఉత్తర ఆర్చికః - షష్ఠ ప్రపాఠకః - ద్వితీయోऽర్ధః)

తరువాతి అధ్యాయము→

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 1

ఉపప్రయన్తో అధ్వరం మన్త్రం వోచేమాగ్నయే|
ఆరే అస్మే చ శృణ్వతే||

యః స్నీహితీషు పూర్వ్యః సంజగ్మానాసు కృష్టిషు|
అరక్షద్దాశుషే గయమ్||

స నో వేదో అమాత్యమగ్నీ రక్షతు శన్తమః|
ఉతాస్మాన్పాత్వఁహసః||

ఉత బ్రువన్తు జన్తవ ఉదగ్నిర్వృత్రహాజని|
ధనఞ్జయో రణేరణే||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 2

అగ్నే యుఙ్క్ష్వా హి యే తవాశ్వాసో దేవ సాధవః|
అరం వహన్త్యాశవః||

అచ్ఛా నో యాహ్యా వహాభి ప్రయాఁసి వీతయే|
ఆ దేవాన్త్సోమపీతయే||

ఉదగ్నే భారత ద్యుమదజస్రేణ దవిద్యుతత్|
శోచా వి భాహ్యజర||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 3

ప్ర సున్వానాయాన్ధసో మర్త్తో న వష్ట తద్వచః|
అప శ్వానమరాధసఁ హతా మఖం న భృగవః||

ఆ జామిరత్కే అవ్యత భుజే న పుత్ర ఓణ్యోః|
సరజ్జారో న యోషణాం వరో న యోనిమాసదమ్||

స వీరో దక్షసాధనో వి యస్తస్తమ్భ రోదసీ|
హరిః పవిత్రే అవ్యత వేధా న యోనిమాసదమ్||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 4

అభ్రాతృవ్యో అనా త్వమనాపిరిన్ద్ర జనుషా సనాదసి|
యుధేదాపిత్వమిచ్ఛసే||

న కీ రేవన్తఁ సఖ్యాయ విన్దసే పీయన్తి తే సురాశ్వః|
యదా కృణోషి నదనుఁ సమూహస్యాదిత్పితేవ హూయసే||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 5

ఆ త్వా సహస్రమా శతం యుక్తా రథే హిరణ్యయే|
బ్రహ్మయుజో హరయ ఇన్ద్ర కేశినో వహన్తు సోమపీతయే||

ఆ త్వా రథే హిరణ్యయే హరీ మయూరశేప్యా|
శితిపృష్ఠా వహతాం మధ్వో అన్ధసో వివక్షణస్య పీతయే||

పిబా త్వాస్య గిర్వణః సుతస్య పూర్వపా ఇవ|
పరిష్కృతస్య రసిన ఇయమాసుతిశ్చారుర్మదాయ పత్యతే||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 6

ఆ సోతా పరి షిఞ్చతాశ్వం న స్తోమమప్తురఁ రజస్తురమ్|
వనప్రక్షముదప్రుతమ్||

సహస్రధారం వృషభం పయోదుహం ప్రియం దేవాయ జన్మనే|
ఋతేన య ఋతజాతో వివావృధే రాజా దేవ ఋతం బృహత్||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 7

అగ్నిర్వృత్రాణి జఙ్ఘనద్ద్రవిణస్యుర్విపన్యయా|
సమిద్ధః శుక్ర ఆహుతః||

గర్భే మాతుః పితుష్పితా విదిద్యుతానో అక్షరే|
సీదన్నృతస్య యోనిమా||

బ్రహ్మ ప్రజావదా భర జాతవేదో విచర్షణే|
అగ్నే యద్దీదయద్దివి||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 8

అస్య ప్రేషా హేమనా పూయమానో దేవో దేవేభిః సమపృక్త రసమ్|
సుతః పవిత్రం పర్యేతి రేభన్మితేవ సద్మ పశుమన్తి హోతా||

భద్రా వస్త్రా సమన్యాऽऽ వసానో మహాన్కవిర్నివచనాని శఁసన్|
ఆ వచ్యస్వ చమ్వోః పూయమానో విచక్షణో జాగృవిర్దేవవీతౌ||

సము ప్రియో మృజ్యతే సానో అవ్యే యశస్తరో యశసాం క్షైతో అస్మే|
అభి స్వర ధన్వా పూయమానో యూయం పాత స్వస్తిభిః సదా నః||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 9

ఏతో న్విన్ద్రఁ స్తవామ శుద్ధఁ శుద్ధేన సామ్నా|
శుద్ధైరుక్థైర్వావృధ్వాఁసఁ శుద్ధైరాశీర్వాన్మమత్తు||

ఇన్ద్ర శుద్ధో న ఆ గహి శుద్ధః శుద్ధాభిరూతిభిః|
శుద్ధో రయిం ని ధారయ శుద్ధో మమద్ధి సోమ్య||

ఇన్ద్ర శుద్ధో హి నో రయిఁ శుద్ధో రత్నాని దాశుషే|
శుద్ధో వృత్రాణి జిఘ్నసే శుద్ధో వాజఁ సిషాససి||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 10

అగ్నే స్తోమం మనామహే సిధ్రమద్య దివిస్పృశః|
దేవస్య ద్రవిణస్యవః||

అగ్నిర్జుషత నో గిరో హోతా యో మానుషేష్వా|
స యక్షద్దైవ్యం జనమ్||

త్వమగ్నే సప్రథా అసి జుష్టో హోతా వరేణ్యః|
త్వయా యజ్ఞం వి తన్వతే||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 11

అభి త్రిపృష్ఠం వృషణం వయోధామాఙ్గోషిణమవావశంత వాణీః|
వనా వసానో వరుణో న సిన్ధూర్వి రత్నధా దయతే వార్యాణి||

శూరగ్రామః సర్వవీరః సహావాన్జేతా పవస్వ సనితా ధనాని|
తిగ్మాయుధః క్షిప్రధన్వా సమత్స్వషాఢః సాహ్వాన్పృతనాసు శత్రూన్||

ఉరుగవ్యూతిరభయాని కృణ్వన్త్సమీచీనే ఆ పవస్వా పురన్ధీ|
అపః సిషాసన్నుషసః స్వార్గాః సం చిక్రదో మహో అస్మభ్యం వాజాన్||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 12

త్వమిన్ద్ర యశా అస్యృజీషీ శవసస్పతిః|
త్వం వృత్రాణి హఁస్యప్రతీన్యేక ఇత్పుర్వనుత్తశ్చర్షణీధృతిః||

తము త్వా నూనమసుర ప్రచేతసఁ రాధో భాగమివేమహే|
మహీవ కృత్తిః శరణా త ఇన్ద్ర ప్ర తే సుమ్నా నో అశ్నవన్||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 13

యజిష్ఠం త్వా వవృమహే దేవం దేవత్రా హోతారమమర్త్యమ్|
అస్య యజ్ఞస్య సుక్రతుమ్||

అపాం నపాతఁ సుభగఁ సుదీదితిమగ్నిము శ్రేష్ఠశోచిషమ్|
స నో మిత్రస్య వరుణస్య సో అపామా సుమ్నం యక్షతే దివి||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 14

యమగ్నే పృత్సు మర్త్యమవా వాజేషు యం జునాః|
స యన్తా శశ్వతీరిషః||

న కిరస్య సహన్త్య పర్యేతా కయస్య చిత్|
వాజో అస్తి శ్రవాయ్యః||

స వాజం విశ్వచర్షణిరర్వద్భిరస్తు తరుతా|
విప్రేభిరస్తు సనితా||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 15

సాకముక్షో మర్జయన్త స్వసారో దశ ధీరస్య ధీతయో ధనుత్రీః|
హరిః పర్యద్రవజ్జాః సూర్యస్య ద్రోణం ననక్షే అత్యో న వాజీ||

సం మాతృభిర్న శిశుర్వావశానో వృషా దధన్వే పురువారో అద్భిః|
మర్యో న యోషామభి నిష్కృతం యన్త్సం గచ్ఛతే కలశ ఉస్రియాభిః||

ఉత ప్ర పిప్య ఊధరఘ్న్యాయా ఇన్దుర్ధారాభిః సచతే సుమేధాః|
మూర్ధానం గావః పయసా చమూష్వభి శ్రీణన్తి వసుభిర్న నిక్తైః||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 16

పిబా సుతస్య రసినో మత్స్వా న ఇన్ద్ర గోమతః|
ఆపిర్నో బోధి సధమాద్యే వృధేऽస్మాఁ అవన్తు తే ధియః||

భూయామ తే సుమతౌ వాజినో వయం మా న స్తరభిమాతయే|
అస్మాం చిత్రాభిరవతాదభిష్టిభిరా నః సుమ్నేషు యామయ||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 17

త్రిరస్మై సప్త ధేనవో దుదుహ్రిరే సత్యామాశిరం పరమే వ్యోమని|
చత్వార్యన్యా భువనాని నిర్ణిజే చారూణి చక్రే యదృతైరవర్ధత||

స భక్షమాణో అమృతస్య చారుణ ఉభే ద్యావా కావ్యేనా వి శశ్రథే|
తేజిష్ఠా అపో మఁహనా పరి వ్యత యదీ దేవస్య శ్రవసా సదో విదుః||
 
తే అస్య సన్తు కేతవోऽమృత్యవోऽదాభ్యాసో జనుషీ ఉభే అను|
యేభిర్నృమ్ణా చ దేవ్యా చ పునత ఆదిద్రాజానం మననా అగృభ్ణత||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 18

అభి వాయుం వీత్యర్షా గృణానోऽభి మిత్రావరుణా పూయమానః|
అభీ నరం ధీజవనఁ రథేష్ఠామభీన్ద్రం వృషణం వజ్రబాహుమ్||

అభి వస్త్రా సువసనాన్యర్షాభి ధేనూః సుదుఘాః పూయమానః|
అభి చన్ద్రా భర్త్తవే నో హిరణ్యాభ్యశ్వాన్రథినో దేవ సోమ||

అభీ నో అర్ష దివ్యా వసూన్యభి విశ్వా పార్థివా పూయమానః|
అభి యేన ద్రవిణమశ్నవామాభ్యార్షేయం జమదగ్నివన్నః||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 19

యజ్జాయథా అపూర్వ్య మఘవన్వృత్రహత్యాయ|
తత్పృథివీమప్రథయస్తదస్తభ్నా ఉతో దివమ్||

తత్తే యజ్ఞో అజాయత తదర్క ఉత హస్కృతిః|
తద్విశ్వమభిభూరసి యజ్జాతం యచ్చ జన్త్వమ్||

ఆమాసు పక్వమైరయ ఆ సూర్యఁ రోహయో దివి|
ఘర్మం న సామం తపతా సువృక్తిభిర్జుష్టం గిర్వణసే బృహత్||

ఉత్తర ఆర్చికః - షష్ఠ ప్రపాఠకః - ద్వితీయోऽర్ధః - సూక్తము 20

మత్స్యపాయి తే మహః పాత్రస్యేవ హరివో మత్సరో మదః|
వృషా తే వృష్ణ ఇన్దుర్వాజీ సహస్రసాతమః||

ఆ నస్తే గన్తు మత్సరో వృషా మదో వరేణ్యః|
సహావాఁ ఇన్ద్ర సానసిః పృతనషాడమర్త్యః||

త్వఁ హి శూరః సనితా చోదయో మనుషో రథమ్|
సహావాన్దస్యుమవ్రతమోషః పాత్రం న శోచిషా||