సామవేదము - ఉత్తర ఆర్చికః - పఞ్చమ ప్రపాఠకః - ప్రథమోऽర్ధః

←ముందరి అధ్యాయము

సామవేదము (సామవేదము - ఉత్తర ఆర్చికః - పఞ్చమ ప్రపాఠకః - ప్రథమోऽర్ధః)

తరువాతి అధ్యాయము→

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 1

శిశుం జజ్ఞానఁ హర్యతం మృజన్తి శుమ్భన్తి విప్రం మరుతో గణేన|
కవిర్గీర్భిః కావ్యేనా కవిః సన్త్సోమః పవిత్రమత్యేతి రేభన్||

ఋషిమనా య ఋషికృత్స్వర్షాః సహస్రనీథః పదవీః కవీనామ్|
తృతీయం ధామ మహిషః సిషాసన్త్సోమో విరాజమను రాజతి ష్టుప్||

చమూషచ్ఛ్యేనః శకునో విభృత్వా గోవిన్దుర్ద్రప్స ఆయుధాని బిభ్రత్|
అపామూర్మిఁ సచమానః సముద్రం తురీయం ధామ మహిషో వివక్తి||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 2

ఏతే సోమా అభి ప్రియమిన్ద్రస్య కామమక్షరన్|
వర్ధన్తో అస్య వీర్యమ్||

పునానాసశ్చమూషదో గచ్ఛన్తో వాయుమశ్వినా|
తే నో ధత్త సువీర్యమ్||

ఇన్ద్రస్య సోమ రాధసే పునానో హార్ది చోదయ|
దేవానాం యోనిమాసదమ్||

మృజన్తి త్వా దేశ క్షిపో హిన్వన్తి సప్త ధీతయః|
అను విప్రా అమాదిషుః||

దేవేభ్యస్త్వా మదాయ కఁ సృజానమతి మేష్యః|
స గోభిర్వాసయామసి||

పునానః కలశేష్వా వస్త్రాణ్యరుషో హరిః|
పరి గవ్యాన్యవ్యత||

మఘోన ఆ పవస్వ నో జహి విశ్వా అప ద్విషః|
ఇన్దో సఖాయమా విశ||

నృచక్షసం త్వా వయమిన్ద్రపీతఁ స్వర్విదమ్|
భక్షీమహి ప్రజామిషమ్||

వృష్టిం దివః పరి స్రవ ద్యుమ్నం పృథివ్యా అధి|
సహో నః సోమ పృత్సు ధాః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 3

సోమః పునానో అర్షతి సహస్రధారో అత్యవిః|
వాయోరిన్ద్రస్య నిష్కృతమ్||

పవమానమవస్యవో విప్రమభి ప్ర గాయత|
సుష్వాణం దేవవీతయే||

పవన్తే వాజసాతయే సోమాః సహస్రపాజసః|
గృణానా దేవవీతయే||

ఉత నో వాజసాతయే పవస్వ బృహతీరిషః|
ద్యుమదిన్దో సువీర్యమ్||

అత్యా హియానా న హేతృభిరసృగ్రం వాజసాతయే|
వి వారమవ్యమాశవః||

తే నః సహస్రిణఁ రయిం పవన్తామా సువీర్యమ్|
సువానా దేవాస ఇన్దవః||

వాశ్రా అర్షన్తీన్దవోऽభి వత్సం న మాతరః|
దధన్విరే గభస్త్యోః||

జుష్ట ఇన్ద్రాయ మత్సరః పవమాన కనిక్రదత్|
విశ్వా అప ద్విషో జహి||

అపఘ్నన్తో అరావ్ణః పవమానాః స్వర్దృశః|
యోనావృతస్య సీదత||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 4

సోమా అసృగ్రమిన్దవః సుతా ఋతస్య ధారయా|
ఇన్ద్రాయ మధుమత్తమాః||

అభి విప్రా అనూషత గావో వత్సం న ధేనవః|
ఇన్ద్రఁ సోమస్య పీతయే||

మదచ్యుత్క్షేతి సాదనే సిన్ధోరూర్మా విపశ్చిత్|
సోమో గౌరీ అధి శ్రితః||

దివో నాభా విచక్షణోऽవ్యో వారే మహీయతే|
సోమో యః సుక్రతుః కవిః||

యః సోమః కలశేష్వా అన్తః పవిత్ర ఆహితః|
తమిన్దుః పరి షస్వజే||

ప్ర వాచమిన్దురిష్యతి సముద్రస్యాధి విష్టపి|
జిన్వన్కోశం మధుశ్చుతమ్||

నిత్యస్తోత్రో వనస్పతిర్ధేనామన్తః సబర్దుఘామ్|
హిన్వానో మానుషా యుజా||

ఆ పవమాన ధారయ రయిఁ సహస్రవర్చసమ్|
అస్మే ఇన్దో స్వాభువమ్||

అభి ప్రియా దివః కవిర్విప్రః స ధారయా సుతః|
సోమో హిన్వే పరావతి||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 6

ఉత్తే శుష్మాస ఈరతే సిన్ధోరూర్మేరివ స్వనః|
వాణస్య చోదయా పవిమ్||

ప్రసవే త ఉదీరతే తిస్రో వాచో మఖస్యువః|
యదవ్య ఏషి సానవి||

అవ్యా వారైః పరి ప్రియఁ హరిఁ హిన్వన్త్యద్రిభిః|
పవమానం మధుశ్చుతమ్||

ఆ పవస్వ మదిన్తమ పవిత్రం ధారయా కవే|
అర్కస్య యోనిమాసదమ్||

స పవస్వ మదిన్తమ గోభిరఞ్జానో అక్తుభిః|
ఏన్ద్రస్య జఠరం విశ||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 7

అయా వీతీ పరి స్రవ యస్త ఇన్దో మదేష్వా|
అవాహన్నవతీర్నవ||

పురః సద్య ఇత్థాధియే దివోదాసాయ శంబరమ్|
అధ త్యం తుర్వశం యదుమ్||

పరి నో అశ్వమశ్వవిద్గోమదిన్దో హిరణ్యవత్|
క్షరా సహస్రిణీరిషః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 8

అపఘ్నన్పవతే మృధోऽప సోమో అరావ్ణః|
గచ్ఛన్నిన్ద్రస్య నిష్కృతమ్||

మహో నో రాయ ఆ భర పవమాన జహీ మృధః|
రాస్వేన్దో వీరవద్యశః||

న త్వా శతం చ న హ్రుతో రాధో దిత్సన్తమా మినన్|
యత్పునానో మఖస్యసే||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 9

అయా పవస్వ ధారయా యయా సూర్యమరోచయః|
హిన్వానో మానుషీరపః||

అయుక్త సూర ఏతశం పవమానో మనావధి|
అన్తరిక్షేణ యాతవే||

ఉత త్యా హరితో రథే సూరో అయుక్త యాతవే|
ఇన్దురిన్ద్ర ఇతి బ్రువన్||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 10

అగ్నిం వో దేవమగ్నిభిః సజోషా యజిష్ఠం దూతమధ్వరే కృణుధ్వమ్|
యో మర్త్యేషు నిధ్రువిరృతావా తపుర్మూర్ధా ఘృతాన్నః పావకః||

ప్రోథదశ్వో న యవసేऽవిష్యన్యదా మహః సంవరణాద్వ్యస్థాత్|
ఆదస్య వాతో అను వాతి శోచిరధ స్మ తే వ్రజనం కృష్ణమస్తి||

ఉద్యస్య తే నవజాతస్య వృష్ణోऽగ్నే చరన్త్యజరా ఇధానాః|
అచ్ఛా ద్యామరుషో ధూమ ఏషి సం దూతో అగ్న ఈయసే హి దేవాన్||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 11

తమిన్ద్రం వాజయామసి మహే వృత్రాయ హన్తవే|
స వృషా వృషభో భువత్||

ఇన్ద్రః స దామనే కృత ఓజిష్ఠః స బలే హితః|
ద్యుమ్నీ శ్లోకీ స సోమ్యః||

గిరా వజ్రో న సమ్భృతః సబలో అనపచ్యుతః|
వవక్ష ఉగ్రో అస్తృతః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 12

అధ్వర్యో అద్రిభిః సుతఁ సోమం పవిత్ర ఆ నయ|
పునాహీన్ద్రాయ పాతవే||

తవ త్య ఇన్దో అన్ధసో దేవా మధోర్వ్యాశత|
పవమానస్య మరుతః||

దివః పీయూషముత్తమఁ సోమమిన్ద్రాయ వజ్రిణే|
సునోతా మధుమత్తమమ్||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 13

ధర్త్తా దివః పవతే కృత్వ్యో రసో దక్షో దేవానామనుమాద్యో నృభిః|
హరిః సృజానో అత్యో న సత్వభిర్వృథా పాజాఁసి కృణుషే నదీష్వా||

శూరో న ధత్త ఆయుధా గభస్త్యోః స్వాః సిషాసన్రథిరో గవిష్టిషు|
ఇన్ద్రస్య శుష్మమీరయన్నపస్యుభిరిన్దుర్హిన్వానో అజ్యతే మనీషిభిః||

ఇన్ద్రస్య సోమ పవమాన ఊర్మిణా తవిష్యమాణో జఠరేష్వా విశ|
ప్ర నః పిన్వ విద్యుదభ్రేవ రోదసీ ధియా నో వాజాఁ ఉప మాహి శశ్వతః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 14

యదిన్ద్ర ప్రాగపాగుదఙ్న్యగ్వా హూయసే నృభిః|
సిమా పురూ నృషూతో అస్యానవేऽసి ప్రశర్ధ తుర్వశే||

యద్వా రుమే రుశమే శ్యావకే కృప ఇన్ద్ర మాదయసే సచా|
కణ్వాసస్త్వా స్తోమేభిర్బ్రహ్మవాహస ఇన్ద్రా యచ్ఛన్త్యా గహి||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 15

ఉభయఁ శృణవచ్చ న ఇన్ద్రో అర్వాగిదం వచః|
సత్రాచ్యా మఘవాన్త్సోమపీతయే ధియా శవిష్ఠ ఆ గమత్||

తఁ హి స్వరాజం వృషభం తమోజసా ధిషణే నిష్టతక్షతుః|
ఉతోపమానాం ప్రథమో ని షీదసి సోమకామఁ హి తే మనః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 16

పవస్వ దేవ ఆయుషగిన్ద్రం గచ్ఛతు తే మదః|
వాయుమా రోహ ధర్మణా||

పవమాన ని తోశసే రయిఁ సోమ శ్రవాయ్యమ్|
ఇన్దో సముద్రమా విశ||

అపఘ్నన్పవసే మృధః క్రతువిత్సోమ మత్సరః|
నుదస్వాదేవయుం జనమ్||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 17

అభీ నో వాజసాతమఁ రయిమర్ష శతస్పృహమ్|
ఇన్దో సహస్రభర్ణసం తువిద్యుమ్నం విభాసహమ్||

వయం తే అస్య రాధసో వసోర్వసో పురుస్పృహః|
ని నేదిష్ఠతమా ఇషః స్యామ సుమ్నే తే ఆధ్రిగో||

పరి స్య స్వానో అక్షరిదిన్దురవ్యే మదచ్యుతః|
ధారా య ఊర్ధ్వో అధ్వరే భ్రాజా న యాతి గవ్యయుః||

పవస్వ సోమ మహాన్త్సముద్రః పితా దేవానాం విశ్వాభి ధామ||

శుక్రః పవస్వ దేవేభ్యః సోమ దివే పృథివ్యై శం చ ప్రజాభ్యః||

దివో ధర్త్తాసి శుక్రః పీయూషః సత్యే విధర్మన్వాజీ పవస్వ||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 18

ప్రేష్ఠం వో అతిర్థిఁ స్తుషే మిత్రమివ ప్రియమ్|
అగ్నే రథం న వేద్యమ్||

కవిమివ ప్రశఁస్యం యం దేవాస ఇతి ద్వితా|
ని మర్త్యేష్వాదధుః||

త్వం యవిష్ఠ దాశుషో నౄఁపాహి శృణుహీ గిరః|
రక్షా తోకముత త్మనా||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 19

ఏన్ద్ర నో గధి ప్రియ సత్రాజిదగోహ్య|
గిరిర్న విశ్వతః పృథుః పతిర్దివః||

అభి హి సత్య సోమపా ఉభే బభూథ రోదసీ|
ఇన్ద్రాసి సున్వతో వృధః పతిర్దివః||

త్వఁ హి శశ్వతీనామిన్ద్ర ధర్త్తా పురామసి|
హన్తా దస్యోర్మనోర్వృధః పతిర్దివః||

ఉత్తర ఆర్చికః - పఞ్చమ ప్రపాఠకః - ప్రథమోऽర్ధః - సూక్తము 20

పురాం భిన్దుర్యువా కవిరమితౌజా అజాయత|
ఇన్ద్రో విశ్వస్య కర్మణో ధర్త్తా వజ్రీ పురుష్టుతః||

త్వం వలస్య గోమతోऽపావరద్రివో బిలమ్|
త్వాం దేవా అబిభ్యుషస్తుజ్యమానాస ఆవిషుః||

ఇన్ద్రమీశానమోజసాభి స్తోమైరనూషత|
సహస్రం యస్య రాతయ ఉత వా సన్తి భూయసీః||