శుక్ల యజుర్వేదము - అధ్యాయము 40
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 40) |
ఈశా వాస్యమిదఁ సర్వం యత్కిం చ జగత్యాం జగత్ |
తేన త్యక్తేన భుఞ్జీథా మా గృధః కస్య స్విద్ధనమ్ ||
కుర్వన్నేవేహ కర్మాణి జిజీవిషేచ్ఛతఁ సమాః |
ఏవం త్వయి నాన్యథేతో స్తి న కర్మ లిప్యతే నరే ||
అసుర్యా నామ తే లోకా అన్ధేన తమసావృతాః |
తాఁస్తే ప్రేత్యాపి గచ్ఛన్తి యే కే చాత్మహనో జనాః ||
అనేజదేకం మనసో జవీయో నైనద్దేవా ఆప్నువన్పూర్వమర్శత్ |
తద్ధావతో న్యానత్యేతి తిష్ఠత్తస్మిన్నపో మాతరిశ్వా దధాతి ||
తదేజతి తన్నైజతి తద్దూరే తద్వన్తికే |
తదన్తరస్య సర్వస్య తదు సరవస్యాస్య బాహ్యతః ||
యస్తు సర్వాణి భూతాన్యాత్మన్నేవానుపశ్యతి |
సర్వభూతేషు చాత్మానం తతో న వి చికిత్సతి ||
యస్మిన్త్సర్వాణి భూతాన్యాత్మైవాభూద్విజానతః |
తత్ర కో మోహః కః శోక ఏకత్వమనుపశ్యతః ||
స పర్యగాచ్ఛుక్రమకాయమవ్రణమస్నావిరఁ శుద్ధమపాపవిద్ధమ్ |
కవిర్మనీషీ పరిభూః స్వయంభూర్యాథాతథ్యతో
ర్థాన్వ్యదధాచ్ఛాశ్వతీభ్యః సమాభ్యః ||
అన్ధం తమః ప్ర విశన్తి యే సంభూతిముపాసతే |
తతో భూయ ఇవ తే తమో య ఉ సంభూత్యాఁ రతాః ||
అన్యదేవాహుః సంభవాదన్యదాహుర్శంభవాత్ |
ఇతి శుశ్రుమ ధీరాణాం యే నస్తద్విచచక్షిరే ||
సంభూతిం చ వినాశం చ యస్తద్వేదోభయఁ సహ |
వినాశేన మృత్యుం తీర్త్వా సంభూత్యామృతమశ్నుతే ||
అన్ధం తమః ప్ర విశన్తి యే విద్యాముపాసతే |
తతో భూయ ఇవ తే తమో య ఉ విద్యాయాఁ రతాః ||
అన్యదేవాహుర్విద్యాయా అన్యదాహురవిద్యాయాః |
ఇతి శుశ్రుమ ధీరాణాం యే నస్తద్విచచక్షిరే ||
విద్యాం చావిద్యాం చ యస్తద్వేదోభయఁ సహ |
అవిద్యయా మృత్యుం తీర్త్వా విద్యయామృతమశ్నుతే ||
వాయురనిలమమృతమథేదం భస్మాన్తఁ శరీరమ్ |
ఓ౩మ్క్రతో స్మర క్లిబే స్మర కృతఁ స్మర ||
అగ్నే నయ సుపథా రాయే అస్మాన్విశ్వాని దేవ వయునాని విద్వాన్ |
యుయోధ్యస్మజ్జుహురాణమేనో భుయిష్ఠాం తే నమఉక్తిం విధేమ ||
హిరణ్మయేన పాత్రేణ సత్యస్యాపిహితం ముఖమ్ |
యో సావాదిత్యే పురుషః సో సావహమ్ |
ఓమ్ఖం బ్రహ్మ ||
| ←ముందరి అధ్యాయము | శుక్ల యజుర్వేదము |