శుక్ల యజుర్వేదము - అధ్యాయము 37
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 37) | తరువాతి అధ్యాయము→ |
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే నారిరసి ||
యుఞ్జతే మన ఉత యుఞ్జతే ధియో విప్రా విప్రస్య బృహతో
విపశ్చితః |
వి హోత్రా దధే వయునావిదేక ఇన్మహీ దేవస్య సవితుః పరిష్టుతిః
స్వాహా ||
దేవీ ద్యావాపృథివీ మఖస్య వామద్య శిరో రాధ్యాసం దేవయజనే
పృథివ్యాః |
మఖాయ త్వా మఖస్య త్వా శీర్ష్ణే ||
దేవ్యో వమ్ర్యో భూతస్య ప్రథమజా మఖస్య వో ద్య శిరో రాధ్యాసం
దేవయజనే పృథివ్యాః |
మఖాయ త్వా మఖస్య త్వా శీర్ష్ణే ||
ఇయత్యగ్రే ఆసీన్మఖస్య తే ద్య శిరో రాధ్యాసం దేవయజనే పృథివ్యాః |
మఖాయ త్వా మఖస్య త్వా శీర్ష్ణే ||
ఇన్ద్రస్యౌజ స్థ మఖస్య వో ద్య శిరో రాధ్యాసం దేవయజనే పృథివ్యాః |
మఖాయ త్వా మఖస్య త్వా శీర్ష్ణే మఖాయ త్వా మఖస్య త్వా శీర్ష్ణే
మఖాయ త్వా మఖస్య త్వా శీర్ష్ణే ||
ప్రైతు బ్రహ్మణస్పతిః ప్ర దేవ్యేతు సూనృతా |
అచ్ఛా వీరం నర్యం పఙ్క్తిరాధసం దేవా యజ్ఞం నయన్తు నః |
మఖాయ త్వా మఖస్య త్వా శీర్ష్ణే మఖాయ త్వా మఖస్య త్వా శీర్ష్ణే
మఖాయ త్వా మఖస్య త్వా శీర్ష్ణే ||
మఖస్య శిరో సి |
మఖాయ త్వా మఖస్య త్వా శీర్ష్ణే |
మఖస్య శిరో సి |
మఖాయ త్వా మఖస్య త్వా శీర్ష్ణే |
మఖస్య శిరో సి |
మఖాయ త్వా మఖస్య త్వా శీర్ష్ణే |
మఖాయ త్వా మఖస్య త్వా శీర్ష్ణే మఖాయ త్వా మఖస్య త్వా శీర్ష్ణే
మఖాయ త్వా మఖస్య త్వా శీర్ష్ణే ||
అశ్వస్య త్వా వృష్ణః శక్నా ధూపయామి దేవయజనే పృథివ్యాః |
మఖాయ త్వా మఖస్య త్వా శీర్ష్ణే |
అశ్వస్య త్వా వృష్ణః శక్నా ధూపయామి దేవయజనే పృథివ్యాః |
మఖాయ త్వా మఖస్య త్వా శీర్ష్ణే |
అశ్వస్య త్వా వృష్ణః శక్నా ధూపయామి దేవయజనే పృథివ్యాః |
మఖాయ త్వా మఖస్య త్వా శీర్ష్ణే |
మఖాయ త్వా మఖస్య త్వా శీర్ష్ణే మఖాయ త్వా మఖస్య త్వా శీర్ష్ణే
మఖాయ త్వా మఖస్య త్వా శీర్ష్ణే ||
ఋజవే త్వా |
సాధవే త్వా |
సుక్షిత్యై త్వా |
మఖాయ త్వా మఖస్య త్వా శీర్ష్ణే మఖాయ త్వా మఖస్య త్వా శీర్ష్ణే
మఖాయ త్వా మఖస్య త్వా శీర్ష్ణే ||
యమాయ త్వా |
మఖాయ త్వా |
సూర్యస్య త్వా తపసే |
దేవస్త్వా సవితా మధ్వానక్తు |
పృథివ్యాః సఁస్పృశస్పాహి |
అర్చిరసి శోచిరసి తపో సి ||
అనాధృష్టా పురస్తాదగ్నేరాధిపత్య ఆయుర్మే దాః |
పుత్రవతో దక్షిణత ఇన్ద్రస్యాధిపత్యే ప్రజాం మే దాః |
సుషదా పశ్చాద్దేవస్య సవితురాధిపత్యే చక్షుర్మే దాః |
ఆస్రుతిరుత్తరతో ధాతురాధిపత్యే రాయస్పోషం మే దాః |
విధృతిరుపరిష్టాద్బృహస్పతేరాధిపత్యే ఓజో మే దాః |
విశ్వాభ్యో మా నాష్ట్రాభ్యస్పాహి |
మనోరశ్వాసి ||
స్వాహా మరుద్భిః పరి శ్రీయస్వ |
దివః సఁస్పృశస్పాహి |
మధు మధు మధు ||
గ్దేవానాం పితా మతీనాం పతిః ప్రజానామ్ |
సం దేవో దేవేన సవిత్రా గత సఁ సూర్యేణ రోచతే ||
సమగ్నిరగ్నినా గత సం దైవేన సవిత్రా సఁ సూర్యేణారోచిష్ట |
స్వాహా సమగ్నిస్తపసా గత సం దైవ్యేన సవిత్రా సఁ సూర్యేణారూరుచత ||
ధర్తా దివో వి భాతి తపసస్పృథివ్యాం ధర్తా దేవో
దేవానామమర్త్యస్తపోజాః |
వాచమస్మే ని యచ్ఛ దేవాయువమ్ ||
అపశ్యం గోపామనిపద్యమానమా చ పరా చ పథిభిశ్చరన్తమ్ |
స సధ్రీచీః స విషూచీర్వసాన ఆ వరీవర్త్తి భువనేష్వన్తః ||
విశ్వాసాం భువాం పతే విశ్వస్య మనసస్పతే విశ్వస్య వచసస్పతే
సర్వస్య వచసస్పతే |
దేవశ్రుత్త్వం దేవ ఘర్మ దేవో దేవాన్పాహి |
అత్ర ప్రావీరను వాం దేవవీతయే |
మధు మాధ్వీభ్యాం మధు మాధూచీభ్యామ్ ||
హృదే త్వా మనసే త్వా దివే త్వా సూర్యాయ త్వా |
ఊర్ధ్వో అధ్వరం దివి దేవేషు ధేహి ||
పితా నో సి పితా నో బోధి నమస్తే అస్తు మా మా హిఁసీః |
త్వష్టృమన్తస్త్వా సపేమ పుత్రాన్పశూన్మయి ధేహి ప్రజామస్మాసు
ధేహ్యరిష్టాహఁ సహపత్యా భూయాసమ్ ||
అహః కేతునా జుషతాఁ సుజ్యోతిర్జ్యోతిషా స్వాహా |
రాత్రిః కేతునా జుషతాఁ సుజ్యోతిర్జ్యోతిషా స్వాహా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |