శుక్ల యజుర్వేదము - అధ్యాయము 35
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 35) | తరువాతి అధ్యాయము→ |
అపేతో యన్తు పణయో సుమ్నా దేవపీయవః |
అస్య లోకః సుతావతః |
ద్యుభిరహోభిరక్తుభిర్వ్యక్తం యమో దదాత్వవసానమస్మై ||
సవితా తే శరీరేభ్యః పృథివ్యాం లోకమిచ్ఛతు |
తస్మై యుజ్యన్తాముస్రియాః ||
వాయుః పునాతు |
సవితా పునాతు |
అగ్నేర్భ్రాజసా |
సూర్యస్య వర్చసా |
వి ముచ్యన్తాముస్రియాః ||
అశ్వత్థే వో నిషదనం పర్ణే వో వసతిష్కృతా |
గోభాజ ఇత్కిలాసథ యత్సనవథ పూరుషమ్ ||
సవితా తే శరీరాణి మాతురుపస్థ ఆ వపతు |
తస్మై పృథివి శం భవ ||
ప్రజాపతౌ త్వా దేవతాయాముపోదకే లోకే ని దధామ్యసౌ |
అప నః శోశుచదఘమ్ ||
పరం మృత్యో అను పరేహి పన్థాం యస్తే అన్య ఇతరో దేవయానాత్ |
చక్షుష్మతే శృణ్వతే తే బ్రవీమి మా నః ప్రజాఁ రీరిషో మోత
వీరాన్ ||
శం వాతః శఁ హి తే ఘృణిః శం తే భవన్త్విష్టకాః |
శం తే భవన్త్వగ్నయః పార్థివాసో మా త్వాభి శూశుచన్ ||
కల్పన్తాం తే దిశస్తుభ్యమాపః శివతమాస్తుభ్యం భవన్తు సిన్ధవః |
అన్తరిక్షఁ శివం తుభ్యం కల్పన్తాం తే దిశః సర్వాః ||
అశ్మన్వతీ రీయతే సఁ రభధ్వముత్తిష్ఠత ప్ర తరతా సఖాయః |
అత్ర జహీమో శివా యే అసఞ్ఛివాన్వయముత్తరేమాభి వాజాన్ ||
అపాఘమప కిల్విషమప కృత్యామపో రపః |
అపామార్గ త్వమస్మదప దుఃష్వప్న్యఁ సువ ||
సుమిత్రియా న ఆప ఓషధయః సన్తు దుర్మిత్రియాస్తస్మై సన్తు యో
స్మాన్ద్వేష్టి యం చ వయం ద్విష్మః ||
అనడ్వాహమా రభామహే సౌరభేయఁ స్వస్తయే |
స న ఇన్ద్ర ఇవ దేవేభ్యో వహ్నిః సంతరణో భవ ||
ఉద్వయం తమసస్పరి స్వః పశ్యన్త ఉత్తరమ్ |
దేవం దేవత్రా సూర్యమగన్మ జ్యోతిరుత్తమమ్ ||
ఇమం జీవేభ్యః పరిధిం దధామి మైషాం ను గాదపరో అర్థమేతమ్ |
శతం జీవన్తు శరదః పురూచీరన్తర్మృత్యుం దధతాం పర్వతేన ||
అగ్న ఆయూఁషి పవస్వ ఆ సువోర్జమిషం చ నః |
ఆరే బాధస్వ దుచ్ఛునామ్ ||
ఆయుష్మానగ్నే హవిషా వృధానో ఘృతప్ర్సతీకో ఘృతయోనిరేధి |
ఘృతం పీత్వా మధు చారు గవ్యం పితేవ పుత్రమభి
రక్షతాదిమాన్త్స్వాహా ||
పరీమే గామనేషత పర్యగ్నిమహృషత |
దేవేష్వక్రత శ్రవః క ఇమాఁ ఆ దధర్షతి ||
క్రవ్యాదమగ్నిం ప్ర హిణోమి దూరం యమరాజ్యం గచ్ఛతు రిప్రవాహః |
ఇహైవాయమితరో జాతవేదా దేవేభ్యో హవ్యం వహతు ప్రజానన్ ||
వహ వపాం జాతవేదః పితృభ్యో యత్రైనాన్వేత్థ నిహితాన్పరాకే |
మేదసః కుల్యా ఉప తాన్త్స్రవన్తు సత్యా ఏషామాశిషః సం నమన్తాఁ
స్వాహా ||
స్యోనా పృథివి నో భవానృక్షరా నివేశనీ |
యచ్ఛా నః శర్మ సప్రథాః |
అప నః శోశుచదఘమ్ ||
అస్మాత్త్వమధి జాతో సి త్వదయం జాయతాం పునః |
అసౌ స్వర్గాయ లోకాయ స్వాహా ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |