శుక్ల యజుర్వేదము - అధ్యాయము 24
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 24) | తరువాతి అధ్యాయము→ |
అశ్వస్తూపరో గోమృగస్తే ప్రాజాపత్యాః కృష్ణగ్రీవ ఆగ్నేయో రరాటే
పురస్తాత్సారస్వతీ మేష్యధస్తాద్ధన్వోరాశ్వినావధోరామౌ బాహ్వోః సౌమపౌష్ణః శ్యామో
నాభ్యాఁ సౌర్యయామౌ శ్వేతశ్చ కృష్ణశ్చ పార్శ్వయోస్త్వాష్ట్రౌ లోమశసక్థౌ
సక్థ్యోర్వాయవ్యః శ్వేతః పుచ్ఛ ఇన్ద్రాయ స్వపస్యాయ వేహద్వైష్ణవో వామనః ||
రోహితో ధూమ్రరోహితః కర్కన్ధురోహితస్తే సౌమ్యా
బభ్రురరుణబభ్రుః శుకబభ్రుస్తే వారుణాః శితిరన్ధ్రో న్యతఃశితిరన్ధ్రః
సమన్తశితిరన్ధ్రస్తే సావిత్రాః శితిబాహురన్యతఃశితిబాహుః సమన్తశితిబాహుస్తే
బార్హస్పత్యాః పృషతీ క్షుద్రపృషతీ స్థూలపృషతీ తా మైత్రావరుణ్యః ||
శుద్ధవాలః సర్వశుద్ధవాలో మణివాలస్త ఆశ్వినాః శ్యేతః
శ్యేతాక్షో రుణస్తే రుద్రాయ పశుపతయే కర్ణా యామా అవలిప్తా రౌద్రా నభోరూపాః
పార్జన్యాః ||
పృశ్నిస్తిరశ్చీనపృశ్నిరూర్ధ్వపృశ్నిస్తే మారుతాః
పల్గూర్లోహితోర్ణీ పలక్షీ తాః సారస్వత్యః ప్లీహాకర్ణః శుణ్ఠాకర్ణో
ద్ధ్యాలోహకర్ణస్తే త్వాష్ట్రాః కృష్ణగ్రీవః శితికక్షో ఞ్జిసక్థస్త
ఐన్ద్రాగ్నాః కృష్ణాఞ్జిరల్పాఞ్జిర్మహాఞ్జిస్త ఉషస్యాః ||
శిల్పా వైశ్వదేవ్యో రోహిణ్యస్త్ర్యవయో వాచే విజ్ఞాతా అదిత్యై
సరూపా ధాత్రే వత్సతర్యో దేవానాం పత్నీభ్యః ||
కృష్ణగ్రీవా ఆగ్నేయాః శితిభ్రవో వసూనాఁ రోహితా రుద్రాణాఁ
శ్వేతా అవరోకిణ ఆదిత్యానాం నభోరూపాః పార్జన్యాః ||
ఉన్నత ఋషభో వామనస్త ఐన్ద్రవైష్ణవా ఉన్నతః శితిబాహుః
శితిపృష్ఠస్త ఐన్ద్రాబార్హస్పత్యాః శుకరూపా వాజినాః కల్మాషా ఆగ్నిమారుతాః
శ్యామాః పౌష్నాః ||
ఏతా ఐన్ద్రాగ్నా ద్విరూపా అగ్నీషోమీయా వామనా అనడ్వాహ
ఆగ్నావైష్ణవా వశా మైత్రావరుణ్యో న్యతఏన్యో మైత్ర్యః ||
కృష్ణగ్రీవా ఆగ్నేయా బభ్రవః సౌమ్యాః శ్వేతా వాయవ్యా
అవిజ్ఞాతా అదిత్యై సరూపా ధాత్రే వత్సతర్యో దేవానాం పత్నీభ్యః ||
కృష్ణా భౌమా ధూమ్రా ఆన్తరిక్షా బృహన్తో దివ్యాః శబలా వైద్యుతాః
సిధ్మాస్తారకాః ||
ధూమ్రాన్వసన్తాయా లభతే శ్వేతాన్గ్రీష్మాయ
కృష్ణాన్వర్షాభ్యో రుణాఞ్ఛరదే పృషతో హేమన్తాయ పిశఙ్గాఞ్ఛిశిరాయ ||
త్ర్యవయో గాయత్ర్యై పఞ్చావయస్త్రిష్టుభే దిత్యవాహో జగత్యై
త్రివత్సా అనుష్టుభే తుర్యవాహ ఉష్ణిహే ||
పష్థవాహో విరాజ ఉక్షణో బృహత్యా ఋషభాః కకుభే నడ్వాహః
పఙ్క్త్యై ధేనవో తిచ్ఛన్దసే ||
కృష్ణగ్రీవా ఆగ్నేయా బభ్రవః సౌమ్యా ఉపధ్వస్తాః సావిత్రా
వత్సతర్యః సారస్వత్యః శ్యామాః పౌష్ణాః పృశ్నయో మారుతా బహురూపా వైశ్వదేవా వశా
ద్యావాపృథివీయాః ||
ఉక్తాః సంచరా ఏతా ఐన్ద్రాగ్నాః కృష్ణాః వారుణాః పృశ్నయో మారుతాః
కాయాస్తూపరాః ||
అగ్నయే నీకవతే ప్రథమజానా లభతే మరుద్భ్యః సాంతపనేభ్యః
సవాత్యాన్మరుద్భ్యో గృహమేధిభ్యో బష్కిహాన్మరుద్భ్యః క్రీడిభ్యః
సఁసృష్టాన్మరుద్భ్యః స్వతవద్భ్యో నుసృష్టాన్ ||
ఉక్తాః సంచరా ఏతా ఐన్ద్రాగ్నాః ప్రాశృఙ్గా మాహేన్ద్రా బహురూపా
వైశ్వకర్మణాః ||
ధూమ్రా బభ్రునీకాశాః పితౄణాఁ సోమవతాం బభ్రవో బభ్రునీకాశాః
పితౄణాం బర్హిషదాం కృష్ణా బభ్రునీకాశాః పితౄణామగ్నిష్వాత్తానాం కృష్ణాః
పృషన్తస్త్రైయమ్బకాః ||
ఉక్తాః సంచరా ఏతా శునాసీరీయాః శ్వేతా వాయవ్యాః శ్వేతాః
సౌర్యాః ||
వసన్తాయ కపిఞ్జలానా లభతే గ్రీష్మాయ
కలవిఙ్గాన్వర్షాభ్యస్తిత్తిరీఞ్ఛరదే వర్తికా హేమన్తాయ కకరాఞ్ఛిశిరాయ
వికకరాన్ ||
సముద్రాయ శిశుమారాన లభతే పర్జన్యాయ మణ్డూకానద్భ్యో
మత్స్యాన్మిత్రాయ కులీపయాన్వరుణాయ నాక్రాన్ ||
సోమాయ హఁసానా లభతే వాయవే బలాకా ఇన్ద్రాగ్నిభ్యాం
క్రుఞ్చాన్మిత్రాయ మద్గూన్వరుణాయ చక్రవాకాన్ ||
అగ్నయే కుటరూనా లభతే వనస్పతిభ్య ఉలూకానగ్నీషోమాభ్యాం
చాషానశ్విభ్యాం మయూరాన్మిత్రావరుణాభ్యాం కపోతాన్ ||
సోమాయ లబానా లభతే త్వష్ట్రే కౌలీకాన్గోషాదీర్దేవానాం
పత్నీభ్యః కులీకా దేవజామిభ్యో గ్నయే గృహపతయే పారుష్ణాన్ ||
అహ్నే పారావతానా లభతే రాత్ర్యై సీచాపూరహోరాత్రయోః
సంధిభ్యో జతూర్మాసేభ్యో దాత్యౌహాన్త్సంవత్సరాయ మహతః సుపర్ణాన్ ||
భూమ్యా ఆఖూనా లభతే న్తరిక్షాయ పాఙ్క్త్రాన్దివే కశాన్దిగ్భ్యో
నకులాన్బభ్రుకానవాన్తరదిశాభ్యః ||
వసుభ్య ఋశ్యానా లభతే రుద్రేభ్యః రురూనాదిత్యేభ్యో
న్యఙ్కూన్విశ్వేభ్యో దేవేభ్యః పృషతాన్త్సాధ్యేభ్యః కులుఙ్గాన్ ||
ఈశానాయ పరస్వత ఆ లభతే మిత్రాయ గౌరాన్వరుణాయ
మహిషాన్బృహస్పతయే గవయాఁస్త్వష్ట్ర ఉష్ట్రాన్ ||
ప్రజాపతయే పురుషాన్హస్తిన ఆ లభతే వాచే ప్లుషీఁశ్చక్షుషే
మశకాఞ్ఛ్రోత్రాయ భృఙ్గాః ||
ప్రజాపతయే చ వాయవే చ గోమృగో వరుణాయారణ్యో మేషో యమాయ కృష్ణో
మనుష్యరాజాయ మర్కటః శార్దూలాయ రోహిదృషభాయ గవయీ క్షిప్రశ్యేనాయ
వర్తికా నీలంగోః కృమిః సముద్రాయ శిశుమారో హిమవతే హస్తీ ||
మయుః ప్రాజాపత్య ఉలో హలిక్ష్ణో వృషదఁశస్తే ధాత్రే దిశాం కఙ్కో
ధుఙ్క్షాగ్నేయీ కలవిఙ్కో లోహితాహిః పుష్కరసాదస్తే త్వాష్ట్రా వాచే క్రుఞ్చః ||
సోమాయ కులుఙ్గ ఆరణ్యో జో నకులః శకా తే పౌష్ణాః క్రోష్టా
మాయోరిన్ద్రస్య గౌరమృగః పిద్వో న్యఙ్కుః కక్కటస్తే నుమత్యై ప్రతిశ్రుత్కాయై
చక్రవాకః ||
సౌరీ బలాకా శార్గః సృజయః శయాణ్డకస్తే మైత్రాః సరస్వత్యై
శారిః పురుషవాక్శ్వావిద్భౌమీ శార్దూలో వృకః పృదాకుస్తే మన్యవే సరస్వతే
శుకః పురుషవాక్ ||
సుపర్ణః పార్జన్య ఆతిర్వాహసో దర్విదా తే వాయవే బృహస్పతయే
వాచస్పతయే పైఙ్గరాజో లజ ఆన్తరిక్షః ప్లవో మద్గుర్మత్స్యస్తే నదీపతయే
ద్యావాపృథివీయః కూర్మః ||
పురుషమృగశ్చన్ద్రమసో గోధా కాలకా దార్వాఘాటస్తే వనస్పతీనాం
కృకవాకుః సావిత్రో హఁసో వాతస్య నాక్రో మకరః కులీపయస్తే కూపారస్య హ్రియై శల్పకః ||
ఏణ్యహ్నో మణ్డూకో మూషికా తిత్తిరిస్తే సర్పాణాం లోపాశ
ఆశ్వినః కృష్ణో రాత్ర్యా ఋక్షో జతూః సుషిలీకా త ఇతరజనానాం జహకా వైష్ణవీ ||
అన్యవాపో ర్ధమాసానామృశ్యో మయూరః సుపర్ణస్తే
గన్ధర్వాణామపాముద్రో మాసాం కశ్యపో రోహిత్కుణ్డృణాచీ గోలత్తికా తే
ప్సరసాం మృత్యవే సితః ||
వర్షాహూరృతూనామాఖుః కశో మాన్థాలస్తే పితౄణాం బలాయాజగరో
వసూనాం కపిఞ్జలః కపోత ఉలూకః శశస్తే నిరృత్యై వరుణాయారణ్యో మేషః ||
శ్విత్ర ఆదిత్యానాముష్ట్రో ఘృణీవాన్వార్ధ్రీణసస్తే మత్యా
అరణ్యాయ సృమరో రురూ రౌద్రః క్వయిః కుటరుర్దాత్యౌహస్తే వాజినాం కామాయ పికః ||
ఖఙ్గో వైశ్వదేవః శ్వా కృష్ణః కర్ణో గర్దభస్తరక్షుస్తే
రక్షసామిన్ద్రాయ సూకరః సిఁహో మారుతాః కృకలాసః పిప్పకా శకునిస్తే శరవ్యాయై
విశ్వేషాం దేవానాం పృషతః ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |