శుక్ల యజుర్వేదము - అధ్యాయము 10
| ←ముందరి అధ్యాయము | శుక్ల యజుర్వేదము (శుక్ల యజుర్వేదము - అధ్యాయము 10) | తరువాతి అధ్యాయము→ |
అపో దేవా మధుమతీరగృభ్ణన్నూర్జస్వతీ రాజస్వశ్చితానాః |
యాభిర్మిత్రావరుణావభ్యషిఞ్చన్యాభిరిన్ద్రమనయన్నత్యరాతీః ||
వృష్ణ ఊర్మిరసి రాష్ట్రదా రాష్ట్రం మే దేహి స్వాహా |
వృష్ణ ఊర్మిరసి రాష్ట్రదా రాష్ట్రమముష్మై దేహి |
వృషసేనో సి రాష్ట్రదా రాష్ట్రం మే దేహి స్వాహా |
వృషసేనో సి రాష్ట్రదా రాష్ట్రమముష్మై దేహి ||
అర్థేత స్థ రాష్ట్రదా రాష్ట్రం మే దత్త స్వాహా |
అర్థేత స్థ రాష్ట్రదా రాష్ట్రమముష్మై దత్త |
ఓజస్వతీ స్థ రాష్ట్రదా రాష్ట్రం మే దత్త స్వాహా |
ఓజస్వతీ స్థ రాష్ట్రదా రాష్ట్రమముష్మై దత్త |
ఆపః పరివాహిణీ స్థ రాష్ట్రదా రాష్ట్రం మే దత్త స్వాహా |
ఆపః పరివాహిణీ స్థ రాష్ట్రదా రాష్ట్రమముష్మై దత్త |
అపాం పతిరసి రాష్ట్రదా రాష్ట్రం మే దేహి స్వాహా |
అపాం పతిరసి రాష్ట్రదా రాష్ట్రమముష్మై దేహి |
అపాం గర్భో సి రాష్ట్రదా రాష్ట్రం మే దేహి స్వాహా |
అపాం గర్భో సి రాష్ట్రదా రాష్ట్రమముష్మై దేహి ||
సూర్యత్వచస స్థ రాష్ట్రదా రాష్ట్రం మే దత్త స్వాహా |
సూర్యత్వచస స్థ రాష్ట్రదా రాష్ట్రమముష్మై దత్త |
సూర్యవర్చస స్థ రాష్ట్రదా రాష్ట్రం మే దత్త స్వాహా |
సూర్యవర్చస స్థ రాష్ట్రదా రాష్ట్రమముష్మై దత్త |
మాన్దా స్థ రాష్ట్రదా రాష్ట్రం మే దత్త స్వాహా |
మాన్దా స్థ రాష్ట్రదా రాష్ట్రమముష్మై దత్త |
వ్రజక్షిత స్థ రాష్ట్రదా రాష్ట్రం మే దత్త స్వాహా |
వ్రజక్షిత స్థ రాష్ట్రదా రాష్ట్రమముష్మై దత్త |
వాశా స్థ రాష్ట్రదా రాష్ట్రం మే దత్త స్వాహా |
వాశా స్థ రాష్ట్రదా రాష్ట్రమముష్మై దత్త |
శవిష్ఠా స్థ రాష్ట్రదా రాష్ట్రం మే దత్త స్వాహా |
శవిష్ఠా స్థ రాష్ట్రదా రాష్ట్రమముష్మై దత్త |
శక్వరీ స్థ రాష్ట్రదా రాష్ట్రం మే దత్త స్వాహా |
శక్వరీ స్థ రాష్ట్రదా రాష్ట్రమముష్మై దత్త |
జనభృత స్థ రాష్ట్రదా రాష్ట్రం మే దత్త స్వాహా |
జనభృత స్థ రాష్ట్రదా రాష్ట్రమముష్మై దత్త |
విశ్వభృత స్థ రాష్ట్రదా రాష్ట్రం మే దత్త స్వాహా |
విశ్వభృత స్థ రాష్ట్రదా రాష్ట్రమముష్మై దత్త |
ఆపః స్వరాజ స్థ రాష్ట్రదా రాష్ట్రమముంఅै దత్త |
మధుమతీర్మధుమతీభిః పృచ్యన్తాం మహి క్షత్రం క్షత్రియాయ వన్వానాః |
అనాధృష్టాః సీదత సహౌజసో మహి క్షత్రం క్షత్రియాయ దధతీః ||
సోమస్య త్విషిరసి తవేవ మే త్విషిర్భూయాత్ |
అగ్నయే స్వాహా |
సోమాయ స్వాహా |
సవిత్రే స్వాహా |
సరస్వత్యై స్వాహా |
పూష్ణే స్వాహా |
బృహస్పతయే స్వాహా |
ఇన్ద్రాయ స్వాహా |
ఘోషాయ స్వాహా |
శ్లోకాయ స్వాహా |
అఁశాయ స్వాహా |
భగాయ స్వాహా |
అర్యమ్ణే స్వాహా ||
పవిత్రే స్థో వైష్ణవ్యౌ |
సవితుర్వః ప్రసవ ఉత్పునామ్యచ్ఛిద్రేణ పవిత్రేణ సూర్యస్య
రశ్మిభిః |
అనిభృష్టమసి వాచో బన్ధుస్తపోజాః సోమస్య దాత్రమసి స్వాహా
రాజస్వః ||
సధమాదో ద్యుమ్నినీరాప ఏతా అనాధృష్టా అపస్యో వసానాః |
పస్త్యాసు చక్రే వరుణః సధస్థమపాఁ శిశుర్మాతృతమాస్వన్తః ||
క్షత్రస్యోల్వమసి |
క్షత్రస్య జరాయ్వసి |
క్షత్రస్య యోనిరసి |
క్షత్రస్య నాభిరసి |
ఇన్ద్రస్య వాత్రఘ్నమ్ |
మిత్రస్యాసి వరుణస్యాసి |
త్వయాయం వృత్రం బధేత్ |
దృవాసి |
రుజాసి |
క్షుమాసి |
పాతైనం ప్రాఞ్చమ్ |
పాతైనం ప్రత్యఞ్చమ్ |
పాతైనం తిర్యఞ్చం దిగ్భ్యః పాత ||
ఆవిర్మయాః |
ఆవిత్తో అగ్నిర్గృహపతిః |
ఆవిత్త ఇన్ద్రో వృద్ధశ్రవాః |
ఆవిత్తౌ మిత్రావరుణౌ ధృతవ్రతౌ |
ఆవిత్తః పూషా విశ్వవేదాః |
ఆవిత్తే ద్యావాపృథివీ విశ్వశమ్భువౌ |
ఆవిత్తాదితిరురుశర్మా ||
అవేష్టా దన్దశూకాః |
ప్రాచీమా రోహ గాయత్రీ త్వావతు రథన్తరఁ సామ త్రివృత్స్తోమో వసన్త
ఋతుర్బ్రహ్మ ద్రవిణమ్ ||
దక్షిణామా రోహ త్రిష్టుప్త్వావతు బృహత్సామ పఞ్చదశ స్తోమో
గ్రీష్మ ఋతుః క్షత్రం ద్రవిణమ్ ||
ప్రతీచీమా రోహ జగతీ త్వావతు వైరూపఁ సామ సప్తదశ స్తోమో వర్షా
ఋతుః విడ్ద్రవిణమ్ ||
ఉదీచీమా రోహానుష్టుప్త్వావతు వైరాజఁ సామైకవిఁశ స్తోమః
శరదృతుః పలం ద్రవిణమ్ ||
ఊర్ధ్వామా రోహ పఙ్క్తిస్త్వావతు శాక్వరరైవతే సామనీ
త్రిణవత్రయస్త్రిఁశౌ స్తోమౌ హేమన్తశిశిరావృతూ వర్చో ద్రవిణమ్ |
ప్రత్యస్తం నముచేః శిరః ||
సోమస్య త్విషిరసి తవేవ మే త్విషిర్భూయాత్ |
మృత్యోః పాహి |
ఓజో సి సహో స్యమృతమసి ||
హిరణ్యరూపా ఉషసో విరోక ఉభావిన్ద్రా ఉదిథః సూర్యశ్చ |
ఆ రోహతం వరుణ మిత్ర గర్తం తతశ్చక్షాథామదితిం దితిం చ |
మిత్రో సి వరుణో సి ||
సోమస్య త్వా ద్యుమ్నేనాభిషిఞ్చామ్యగ్నేర్భ్రాజసా సూర్యస్య
వర్చసేన్ద్రస్యేన్ద్రియేణ |
క్షత్రాణాం క్షత్రపతిరేధ్యతి దిద్యూన్పాహి ||
ఇమం దేవా అసుపత్నఁ సువధ్వం మహతే క్షత్రాయ మహతే జ్యైష్ఠ్యాయ మహతే
జానరాజ్యాయేన్ద్రస్యేన్ద్రియాయ |
ఇమమముష్య పుత్రమముష్యై పుత్రమస్యై విశ ఏష వో మీ రాజా సోమో
స్మాకం బ్రాహ్మణానాఁ రాజా ||
ప్ర పర్వతస్య వృషభస్య పృష్ఠాన్నావశ్చరన్తి స్వసిచ ఇయానాః |
తా ఆవవృత్రన్నధరాగుదక్తా అహిం బుధ్న్యమను రీయమాణాః |
విష్ణోర్వికర్మణమసి |
విష్ణోర్విక్రాన్తమసి |
విష్ణోః క్రాన్తమసి ||
ప్రజాపతే న త్వదేతాన్యన్యో విశ్వా రూపాణి పరి తా బభూవ |
యత్కామాస్తే జుహుమస్తన్నో అస్తు |
అయమముష్య పితాసావస్య పితా |
వయఁ స్యామ పతయో రయీణాఁ స్వాహా |
రుద్ర యత్తే క్రివి పరం నామ తస్మిన్హుతమస్యమేష్టమసి స్వాహా ||
ఇన్ద్రస్య వజ్రో సి |
మిత్రావరుణయోస్త్వా ప్రశాస్త్రోః ప్రశిషా యునజ్మి |
అవ్యథాయై త్వా స్వధాయై త్వారిష్టో అర్జునః |
మరుతాం ప్రసవేన జయ |
ఆపామ మనసా |
సమిన్ద్రియేణ ||
మా త ఇన్ద్ర తే వయం తురాషాడయుక్తాసో అబ్రహ్మతా విదసామ |
తిష్ఠా రథమధి యం వజ్రహస్తా రశ్మీన్దేవ యువసే స్వశ్వాన్ ||
అగ్నయే గృహపతయే స్వాహా |
సోమాయ వనస్పతయే స్వాహా |
మరుతామోజసే స్వాహా |
ఇన్ద్రస్యేన్ద్రియాయ స్వాహా |
పృథివి మాతర్మా మా హిఁసీర్మో అహం త్వామ్ ||
హఁసః శుచిషద్వసురన్తరిక్షసద్ధోతా వేదిషదతిథిర్దురోణసత్ |
నృషద్వరసదృతసద్వ్యోమసదబ్జా గోజా ఋతజా అద్రిజా ఋతం బృహత్ ||
ఇయదస్యాయురస్యాయుర్మయి ధేహి యుఙ్ఙసి వర్చో సి వర్చో మయి
ధేహి |
ఊర్గస్యూర్జం మయి ధేహి |
ఇన్ద్రస్య వాం వీర్యకృతో బాహూ అభ్యుపావ హరామి ||
స్యోనాసి సుషదాసి |
క్షత్రస్య యోనిరసి |
స్యోనామా సీద సుషదామా సీద క్షత్రస్య యోనిమా సీద ||
ని షసాద ఘృతవ్రతో వరుణః పస్త్యాస్వా |
సామ్రాజ్యాయ సుక్రతుః ||
అభిభూరస్యేతాస్తే పఞ్చ దిశః కల్పన్తామ్ |
బ్రహ్మఁస్త్వం బ్రహ్మాసి సవితాసి సత్యప్రసవః |
వరుణో సి సత్యౌజాః |
ఇన్ద్రో సి విశౌజాః |
రుద్రో సి సుశేవః |
బహుకార శ్రేయస్కర భూయస్కర |
ఇన్ద్రస్య వజ్రో సి తేన మే రధ్య ||
అగ్నిః పృథుర్ధర్మణస్పతిర్జుషాణో అగ్నిః
పృథుర్ధర్మణస్పతిరాజ్యస్య వేతు స్వాహా |
స్వాహాకృతాః సూర్యస్య రశ్మిబిర్యతధ్వఁ సజాతానాం మధ్యమేష్ఠ్యాయ ||
సవిత్రా ప్రసవిత్రా సరస్వత్యా వాచా త్వష్ట్రా రూపైః పూష్ణా
పశుభిరిన్ద్రేణాస్మే బృహస్పతినా బ్రహ్మణా వరుణేనౌజసాగ్నినా తేజసా సోమేన
రాజ్ఞా విష్ణునా దశమ్యా దేవతయా ప్రసూతః ప్ర సర్పామి ||
అశ్విభ్యాం పచ్యస్వ |
సరస్వత్యై పచ్యస్వ |
ఇన్ద్రాయ సుత్రామ్ణే పచ్యస్వ |
వాయుః పూతః పవిత్రేణ ప్రత్యఙ్క్సోమో అతిస్రుతః |
ఇన్ద్రస్య యుజ్యః సఖా ||
కువిదఙ్గ యవమన్తో వయం చిద్యథా దాన్త్యనుపూర్వం వియూయ |
ఇహేహైషాం కృణుహి భోజనాని యే బర్హిషో నమఉక్తిం యజన్తి |
ఉపయామగృహీతో స్యశ్విభ్యాం త్వా సరస్వత్యై త్వేన్ద్రాయ త్వా
సుత్రామ్ణే ||
వయఁ సురామమశ్వినా నముచావాసురే సచా |
విపిపానా శుభస్పతీ ఇన్ద్రం కర్మస్వావతమ్ ||
పుత్రమివ పితరావశ్వినోభేన్ద్రావథుః కావ్యైర్దఁసనాభిః |
యత్సురామం వ్యపిబః శచీభిః సరస్వతీ త్వా మఘవన్నభిష్ణక్ ||
| ←ముందరి అధ్యాయము | శుక్ల యజుర్వేదము | తరువాతి అధ్యాయము→ |