శుక్ల యజుర్వేదము - అధ్యాయము 1
| శుక్ల యజుర్వేదము (శుక్ల యజుర్వేదము - అధ్యాయము 1) | తరువాతి అధ్యాయము→ |
ఇషే త్వా |
ఊర్జే త్వా |
వాయవ స్థ |
దేవో వః సవితా ప్రార్పయతు శ్రేష్ఠతమాయ కర్మణ ఆ
ప్యాయధ్వమఘ్న్యా ఇన్ద్రాయ భాగం ప్రజావతీరనమీవా అయక్ష్మా మా వ స్తేన ఈశత
మాఘశఁసో ధ్రువా అస్మిన్గోపతౌ స్యాత బహ్వీః |
యజమానస్య పశూన్పాహి ||
వసోః పవిత్రమసి |
ద్యౌరసి పృథివ్యసి |
మాతరిశ్వనో ఘర్మో సి విశ్వధా అసి పరమేణ ధామ్నా దృఁహస్వ మా
హ్వార్మా తే యజ్ఞపతిర్హ్వార్షీత్ ||
వసోః పవిత్రమసి శతధారం వసోః పవిత్రమసి సహస్రధారమ్ |
దేవస్త్వా సవితా పునాతు వసోః పవిత్రేణ శతధారేణ సుప్వా |
కామధుక్షః ||
సా విశ్వాయుః |
సా విశ్వకర్మా |
సా విశ్వధాయాః |
ఇన్ద్రస్య త్వా భాగఁ సోమేనా తనచ్మి |
విష్ణో హవ్యఁ రక్ష ||
అగ్నే వ్రతపతే వ్రతం చరిష్యామి తచ్ఛకేయం తన్మే రాధ్యతామ్ |
ఇదమహమనృతాత్సత్యముపైమి ||
కస్త్వా యునక్తి స త్వా యునక్తి కస్మై త్వా యునక్తి తస్మై త్వా
యునక్తి |
కర్మణే వాం వేషాయ వామ్ ||
ప్రత్యుష్టఁ రక్షః ప్రత్యుష్టా అరాతయః |
నిష్టప్తఁ రక్షో నిష్టప్తా అరాతయః |
ఉర్వన్తరిక్షమన్వేమి ||
ధూరసి ధూర్వ ధూర్వన్తం ధూర్వ తం యో స్మాన్ధూర్వతి తం ధూర్వ యం
వయం ధూర్వామః |
దేవానామసి వహ్నితమఁ సమ్నితమం పప్రితమం జుష్టతమం
దేవహూతమమ్ ||
అహ్రుతమసి హవిర్ధానం దృఁహస్వ మా హ్వార్మా యజ్ఞపతిర్హ్వార్షీత్ |
విష్ణుస్త్వా క్రమతామ్ |
ఉరు వాతాయ |
అపహతఁ రక్షః |
యచ్ఛన్తాం పఞ్చ ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
అగ్నయే జుష్టం గృహ్ణామి |
అగ్నీషోమాభ్యాం జుష్టం గృహ్ణామి ||
భూతాయ త్వా నారాతయే |
స్వరభివి ఖ్యేషమ్ |
దృఁహన్తాం దుర్యాః పృథివ్యామ్ |
ఉర్వన్తరిక్షమన్వేమి |
పృథివ్యాస్త్వా నాభౌ సాదయామ్యదిత్యా ఉపస్థే గ్నే హవ్యఁ రక్ష ||
పవిత్రే స్థో వైష్ణవ్యౌ |
సవితుర్వః ప్రసవ ఉత్పునామ్యచ్ఛిద్రేన పవిత్రేణ సూర్యస్య
రశ్మిభిః |
దేవీరాపో అగ్రేగువో అగ్రేపువో గ్ర ఇమమద్య యజ్ఞం నయతాగ్రే
యజ్ఞపతిఁ సుధాతుం యజ్ఞపతిం దేవయువమ్ ||
యుష్మా ఇన్ద్రో వృణీత వృత్రతూర్యే యూయమిన్ద్రమవృణీధ్వం
వృత్రతూర్యే |
ప్రోక్షితా స్థ |
అగ్నయే త్వా జుష్టం ప్రోక్షామి |
అగ్నీషోమాభ్యాం త్వా జుష్టం ప్రోక్షామి |
దైవ్యాయ కర్మణే శున్ధధ్వం దేవయజ్యాయై యద్వో శుద్ధాః
పరాజఘ్నురిదం వస్తచ్ఛున్ధామి ||
శర్మాసి |
అవధూతఁ రక్షో వధూతా అరాతయః |
అదిత్యాస్త్వగసి ప్రతి త్వాదితిర్వేత్తు |
అద్రిరసి వానస్పత్యః |
గ్రావాసి పృథుబుధ్నః ప్రతి త్వాదిత్యాస్త్వగ్వేత్తు ||
అగ్నేస్తనూరసి వాచో విసర్జనం దేవవీతయే త్వా గృహ్ణామి |
బృహద్గ్రావాసి వానస్పత్యః |
స ఇదం దేవేభ్యో హవిః శమీష్వ సుశమి శమీష్వ |
హవిష్కృదేహి హవిష్కృదేహి హవిష్కృదేహి ||
కుక్కుటో సి మధుజిహ్వ ఇషమూర్జమా వద త్వయా వయఁ
సంధాతఁ-సంధాతం జేష్మ |
వర్షవృద్ధమసి |
ప్రతి త్వా వర్షవృద్ధం వేత్తు |
పరాపూతఁ రక్షః పరాపూతా అరాతయః |
అపహతఁ రక్షః |
వాయుర్వో వి వినక్తు |
దేవో వః సవితా హిరణ్యపాణిః ప్రతి గృభ్ణాత్వచ్ఛిద్రేణ పాణినా ||
ధృష్టిరసి |
అపాగ్నే అగ్నిమామాదం జహి నిష్క్రవ్యాదఁ సేధ |
ఆ దేవయజం వహ |
ధ్రువమసి పృథివీం దృఁహ బ్రహ్మవని త్వా క్షత్రవని సజాతవన్యుప
దధామి భ్రాతృవ్యస్య బధాయ ||
అగ్నే బ్రహ్మ గృభ్ణీష్వ |
ధరుణమస్యన్తరిక్షం దృఁహ బ్రహ్మవని త్వా క్షత్రవని సజాతవన్యుప
దధామి భ్రాతృవ్యస్య బధాయ |
ధర్త్రమసి దివం దృఁహ బ్రహ్మవని త్వా క్షత్రవని సజాతవన్యుప
దధామి భ్రాతృవ్యస్య బధాయ |
విశ్వాభ్యస్త్వాశాభ్య ఉప దధామి |
చిత స్థోర్ధ్వచితః |
భృగూణామఙ్గిరసాం తపసా తప్యధ్వమ్ ||
శర్మాసి |
అవధూతఁ రక్షో వధూతా అరాతయః |
అదిత్యాస్త్వగసి ప్రతి త్వాదితిర్వేత్తు |
ధిషణాసి పర్వతీ ప్రతి త్వాదిత్యాస్త్వగ్వేత్తు |
దివ స్కమ్భనీరసి |
ధిషణాసి పార్వతేయీ ప్రతి త్వా పర్వతీ వేత్తు ||
ధాన్యమసి ధినుహి దేవాన్ |
ప్రాణాయ త్వా |
ఉదానాయ త్వా |
వ్యానాయ త్వా |
దీర్ఘామను ప్రసితిమాయుషే ధాం దేవో వః సవితా హిరణ్యపాణిః
ప్రతి గృభ్ణాత్వచ్ఛిద్రేణ పాణినా |
చక్షుషే త్వా |
మహీనాం పయో సి ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
సం వపామి |
సమాప ఓషధీభిః సమోషధయో రసేన |
సఁ రేవతీర్జగతీభిః పృచ్యన్తాఁ సం మధుమతీర్మధుమతీభిః పృచ్యన్తామ్ ||
జనయత్యై త్వా సం యౌమి |
ఇదమగ్నేః |
ఇదమగ్నీషోమయోః |
ఇషే త్వా |
ఘర్మో సి విశ్వాయుః |
ఉరుప్రథా ఉరు ప్రథస్వోరు తే యజ్ఞపతిః ప్రథతామ్ |
అగ్నిష్టే త్వచం మా హిఁసీత్ |
దేవస్త్వా సవితా శ్రపయతు వర్షిష్ఠే ధి నాకే ||
మా భేర్మా సం విక్థాః |
అతమేరుర్యజ్ఞో తమేరుర్యజమానస్య ప్రజా భూయాత్ |
త్రితాయ త్వా |
ద్వితాయ త్వా |
ఏకతాయ త్వా ||
దేవస్య త్వా సవితుః ప్రసవే శ్వినోర్బాహుభ్యాం పూష్ణో
హస్తాభ్యామ్ |
ఆ దదే ధ్వరకృతం దేవేభ్యః |
ఇన్ద్రస్య బాహురసి దక్షిణః సహస్రభృష్టిః శతతేజా వాయురసి
తిగ్మతేజా ద్విషతో బధః ||
పృథివి దేవయజన్యోషధ్యాస్తే మూలం మా హిఁసిషమ్ |
వ్రజం గచ్ఛ గోష్ఠానమ్ |
వర్షతు తే ద్యౌః |
బధాన దేవ సవితః పరమస్యాం పృథివ్యాఁ శతేన పాశైర్యో
స్మాన్ద్వేష్టి యం చ వయం ద్విష్మస్తమతో మా మౌక్ ||
అపారరుం పృథివ్యై దేవయజనాద్బధ్యాసమ్ |
వ్రజం గచ్ఛ గోష్ఠానమ్ |
వర్షతు తే ద్యౌః |
బధాన దేవ సవితః పరమస్యాం పృథివ్యాఁ శతేన పాశైర్యో
స్మాన్ద్వేష్టి యం చ వయం ద్విష్మస్తమతో మా మౌక్ |
అరరో దివం మా పప్తః |
ద్రప్సస్తే ద్యాం మా స్కన్ |
వ్రజం గచ్ఛ గోష్ఠానమ్ |
వర్షతు తే ద్యౌః |
బధాన దేవ సవితః పరమస్యాం పృథివ్యాఁ శతేన పాశైర్యో
స్మాన్ద్వేష్టి యం చ వయం ద్విష్మస్తమతో మా మౌక్ ||
గాయత్రేణ త్వా ఛన్దసా పరి గృహ్ణామి |
త్రైష్టుభేన త్వా ఛన్దసా పరి గృహ్ణామి |
జగతేన త్వా ఛన్దసా పరి గృహ్ణామి |
సుక్ష్మా చాసి శివా చాసి |
స్యోనా చాసి సుషదా చాసి |
ఊర్జస్వతీ చాసి పయస్వతీ చ ||
పురా క్రూరస్య విసృపో విరప్శిన్నుదాదాయ పృథివీం జీవదానుమ్ |
యాఐరయఁశ్చన్ద్రమసి స్వధాభిస్తాము ధీరాసో అనుదిశ్య యజన్తే |
ప్రోక్షణీరా సాదయ |
ద్విషతో బధో సి ||
ప్రత్యుష్టఁ రక్షః ప్రత్యుష్టా అరాతయః |
నిష్టప్తఁ రక్షో నిష్టప్తా అరాతయః |
అనిశితో సి సపత్నక్షిద్వాజినం త్వా వాజేధ్యాయై సం మార్జ్మి |
ప్రత్యుష్టఁ రక్షః ప్రత్యుష్టా అరాతయః |
నిష్టప్తఁ రక్షో నిష్టప్తా అరాతయః |
అనిశితాసి సపత్నక్షిద్వాజినీం త్వా వాజేధ్యాయై సం మార్జ్మి ||
అదిత్యై రాస్నాసి |
విష్ణోర్వేష్యో సి |
ఊర్జే త్వా |
అదబ్ధేన త్వా చక్షుషావ పశ్యామి |
అగ్నేర్జిహ్వాసి సుహూర్దేవేభ్యో ధామ్నే-ధామ్నే మే భవ
యజుషే-యజుషే ||
సవితుస్త్వా ప్రసవ ఉత్పునామ్యచ్ఛిద్రేణ పవిత్రేణ సూర్యస్య
రశ్మిభిః |
సవితుర్వః ప్రసవ ఉత్పునామ్యచ్ఛిద్రేణ పవిత్రేణ సూర్యస్య
రశ్మిభిః |
తేజో సి శుక్రమస్యమృతమసి |
ధామ నామాసి ప్రియం దేవానామనాధృష్టం దేవయజనమసి ||
| శుక్ల యజుర్వేదము | తరువాతి అధ్యాయము→ |