వికీసోర్స్:ప్రదర్శన గ్రంథాలు/మాటా మన్నన

మాటా మన్నన (1959), గొర్రెపాటి వెంకటసుబ్బయ్య, పుస్తకం దింపుకోండి! సంభాషణ అనేది దైవదత్తం కాదు. అది శిల్పం. కనుక అది నేర్చుకుని ఉపయోగించుకొనవచ్చును. స్వభావసిద్ధంగా ఈశక్తి లేని వారు నేర్చుకొని పెంపొందించుకొని ఆనందించవచ్చును. డేల్ కార్నెజీ గారి How to win friends and influence people , మునిమాణిక్యం నరసింహారావుగారి ‘మంచివాళ్ళూ-మాటతీరూ’ ‘మాట నేర్పరితనం’ , Betty E. Norris గారి The art of conversation పుస్తకాలను ఆధారంగా చేసుకొని రచించిన తొలినాట తెలుగు పుస్తకం. “ మంచి సంభాషణలో ముఖ్యాంశం, ఇద్దరుగాని ముగ్గురుగాని మాట్లాడుతున్నప్పుడు ఒక విషయాన్ని గురించే మాట్లాడరాదు. సంభాషణ సజీవంగా ఉండాలంటే ఒక దానిమీదనుంచి మరొకదానిమీదికి సహజంగా పోవాలి. ఆ విషయాలు అక్కడున్న వారందరికి తెలిసేవిగా వుండాలి. వారి అంతస్థు విద్యాపరిణతి, ఎట్లాఉన్నా ఆ విషయాలు సర్వసామాన్యంగా ఉన్నప్పుడే అవి రాణిస్తవి. ఆ సంభాషణలో పాల్గొనేవారందరికి ఆమోదప్రదం ఆనందకరంగాను ఉండాలి. ఏవిషయాన్నైనా చక్కగా మాట్లాడగల అదృష్టవంతులు కొందరే ఉంటారు. వారితో మాట్లాడటం ఆనందం, అదృష్టం. ​ కొంద రేదో కాలక్షేపం చేయాలని తలుస్తారు. మాటలవల్ల మంచి కలగదని చూస్తారు. వారు పై పై సంగతులు మాట్లాడ తలుస్తారు. ”