వడ్డూరి అచ్యుతరామ కవి భక్తిమాల
వేణుగోపాల స్తుతి
మార్చు- కరములకంకణంబులు ముఖంబున వెన్నెలలోల్కునవ్వులున్
శిరమున బర్హి బర్హ మతసీ కుసుమద్యుతి నొప్పు దేహమున్ దరదరవింద నేత్రములుదార కృపారసమొప్ప మాధవా మురళీధరించి నాకు కనుమూసిన విచ్చిన కానుపింపవే!
- కలకలలాడు నెమ్మొగము కస్తూరి కాంచిత ఫాలభాగమున్
మిల మిలలాడు కేశములు మేటి శిరంబున బర్హి బర్హమున్ విలసిలు నిన్ను కన్నులకు విందుగ కాంచగ దివ్య భాగ్యమున్ కలుగగ జేయుమయ్య నవకంజదలేక్షణ భక్త రక్షణా !
- కరమున వేణువూదుచును కంకణ నిక్వణముల్ సెలంగగా
యురమున కౌస్తుభ ప్రభ మహోజ్వల కాంతుల వీవ దివ్యమౌ శిరమున బర్హి బర్హ మతి చెల్వు ఘటించి నటింప దరులను గూడి యాడుచును దర్శన మీయవే నందనందనా !
- నల్లని మోముపైన చిరునవ్వు మెరుంగులు వెట్ట నందమౌ
పిల్లనగ్రోవి నూదుచును పింఛము చక్కదిద్దుకొంచు నా యుల్లము పల్లవింప దయయొప్పగ దర్శనమీగదే జగ ద్వల్లభ పల్లవీ హృదయవల్లభ నీకు నమస్కరించెదన్!
- గజ్జలు ఘల్లు ఘల్లుమన గంతులు వేయుచు గాన వృస్టిచే
సజ్జనచాత వ్రజము సంభ్రమ మొందగ మేనికాంతిచే ముజ్జగముల్వెలుగ నవమోహన దివ్య సుమంగళాకృతిన్ సజ్జనవంద్య దర్శన మొసంగవె నీకిదె కేలు మోడ్చెదన్! </poem> శ్రీ వేంకటేశ్వర భక్తిమాల లోని వేణుగోపాల స్తుతి పద్యాలు.
శ్రీ సూర్య భగవానుడు ప్రత్యక్ష దైవము .బ్రహ్మ విష్ణు మహేశ్వర స్వరూపముగా సర్వ జనులచే ఆరాధింప బడుచున్నాడు ."యానికృత్యాని లోకేషు సర్వాన్యేషు రవి ప్రభు:" అని అగస్త్య మహర్షి శ్రీరామునకు ఉపదేశించిన "ఆదిత్య హృదయమున ప్రవచించి యున్నాడు . కులమత భేదములకు లోను గాని సర్వ మానవారాధకుడు .ఆయనను ఆరాధించి అనేకులు సఫల మనోరధులై ఆయురారోగ్య భాగ్యములంది సుఖించినారు. నేను (రచయిత శ్రీ వడ్డూరి అచ్యుతరామ కవి ) అనారోగ్య సమయములో ఈ స్తోత్రము వ్రాసి ఆరోగ్యము పొందినాను ఆ స్తోత్రములోని కొన్ని పద్యములు మీ కోసం
శ్రీ సూర్యనారాయణమూర్తి పద్యాలు
మార్చు- " ఓంకారంబున సంభవించు జగమా యోకార మదంతమౌ
నోంకారంబున వృద్ధి జెందు సకలంబోకారమై యొప్పు నా
యోంకారాకృతియై వెలింగెడి పరంజ్యోతిన్ పరబ్రహ్మమున్ ఓంకార ప్రణవ స్వరూపునకు దేజోమూర్తికిన్ మ్రొక్కెదన్ !
- .సరసిజ బాంధవా !నిగమ సన్నుత ! దీనశరణ్య !మౌని ఖే
చర గరు డోరగ ప్రముఖ సన్నుత భక్త జనావనా శుభం కర శరణంటి బ్రోవగదే కాలనియామక !కాలరూప ! యో హరిహర ధాతృ తేజ !పరమాత్మ !దయానిధీ !దేవ ! భాస్కరా !