యుద్ధకాండము - సర్గము 8

యుద్ధకాండము - సర్గము 8

తతోనీల అంబుదనిభః ప్రహస్తోనామ రాక్షసః |

అబ్రవీత్ప్రాన్జలిర్వాక్యం శూరః సేనా ప్రతిస్తదా |6-8-1|

దేవ దానవ గన్ధర్వాః పిశాచపతగౌరగాః |

న త్వాం ధర్షయితుం శక్తాః కిం పునర్వానరా రణే |6-8-2|

సర్వే ప్రమత్తా విశ్వస్తా వన్చితాః స్మ హనూమతా |

న హి మే జీవితో గచ్చేజ్జీవన్ స వన గోచరః |6-8-3|

సర్వాం సాగర కార్యన్తాం సశైల వన కాననాం |

కరోమి అవానరాం భూమిం ఆజ్ణాపయతుమాం భవాన్ |6-8-4|

రక్షాం చైవ విధాస్యామి వానరాద్ రజనీ చర |

న ఆగామిష్యతి తే దుహఖం కించిదత్మా అపరాధజం |6-8-5|

అబ్రవీత్తం సుసంక్రుద్ధో దుర్ముఖో నామ రాక్షసః |

ఇదమ్న క్షమనీయం హి సర్వేషామ్నః ప్రధర్షణం |6-8-6|

అయం పరిభావో భూయ పురస్య అన్తః పురస్య చ|

శ్రీమతో రాక్షస ఇన్ద్రస్య వానర ఇన్ద్ర ప్రధర్షణం |6-8-7|

అస్మిన్ముహూర్తే హత్వా ఏకో నివర్తిష్యామి వానరాన్ |

ప్రవష్టాన్ సాగరం భీమం అంబరం వా రసా తలం |6-8-8|

తతో అభ్రవీత్ సుసంకృద్ధో వజ్ర దంష్ట్రో మహాబలః |

ప్రగృహ్య పరీఘం మాంస శోణిత రూపితం |6-8-9|

కిమ్నో హనుమతా కార్యం కృపణేన తపస్వినా |

రామో తిష్టతి దుర్దర్షే సుగ్రీవే సహ లక్ష్మణే |6-8-10|

అద్య రామం ససుగ్రీవం పరిఘేణ సలక్ష్మణం |

ఆగమిష్యామి హత్వా ఏకో విక్షోభ్య హరి వాహినీం |6-8-11|

ఇదం మమాపరం వాక్యం శృణు రాజన్యదీచ్చసి |

ఉపాయ కుశలో హయేవ జయేచ్చతృనతన్ద్రితః |6-8-12|

కామ రూపధరాః శూరాః సుభీమా భీమదర్శనాః |

రాక్షసా వా సహస్రాణి రాక్షసాధిప నిశ్చితాః |6-8-13|

కాకుత్థ్సముపసంగమ్య బిభ్రతో మానుషం వపుః |

సర్వే హ్యసంభ్రమా భూత్వా బ్రువన్తు రఘుసత్తమం |6-8-14|

ప్రేషితా భరతేనైవ భ్రాత్రాతవ యవీయసా |

స హి సేనం సముథ్యాప్య క్షిప్రమేవోపయాస్యతి |6-8-15|

తతో వయమితస్తుర్ణం శూలశక్తిగధాధరాః |

చాపబాణాసిహస్తశ్చ త్వరితాస్తత్ర యామహే |6-8-16|

ఆకాశే గణశః స్తిత్వా హత్వా తం హరివాహినీం |

అశ్మ శస్త్ర మహావృష్ట్వా ప్రాపయాం యమక్షయం |6-8-17|

ఏవం చేదుపస్ప్రేతాంనయం రామలక్ష్మణౌ |

అవశ్యమపనీతేన జహతామేవ జీవితం |6-8-18|

కౌమ్భకర్నిస్తతో వీరో నికుంభో నామవీర్యవాన్ |

అబ్రవీత్పరం కుర్ధో రావణం లోక రావణం |6-8-19|

సర్వే భవన్తస్తిష్టన్తు మహారాజేన సంగతాః |

అహమేకో హనిష్యామి రాఘవం సహ లక్ష్మణాం |6-8-20|

సుగ్రీవం సహనూమన్తం సర్వామ్శస్చైవాత్ర వానరాన్ |

తతో వజ్రహనుర్నామ రాక్షసః పర్వతోపమః |6-8-21|

కృద్ధః పరిలిహన్ వక్త్రం జిహ్వయా వాక్యమబ్రవీత్ |

స్వైరం కుర్వన్తు కార్యాణి భవన్తో విగత జ్వరాః |6-8-22|

ఏకో అహం భక్షయిష్యామి తాన్ సర్వాన్ హరి యూథపాన్ |

స్వస్థాః క్రీడన్తు నిశ్చిన్తాః పిబన్తు మధు వారుణీం |6-8-23|

అహమేకో హనిష్యామి సుగ్రీవం సహ లక్ష్మణం |

స అన్గదం చ హనూమన్తం చ రామం చ రణ కున్జరం |6-8-24|

ఇత్యార్షే శ్రీమద్రామాయణే ఆదికావ్యే అష్టమః సర్గః