బసవరాజు అప్పారావు గీతములు/ఆశాభంగము
భావిశాశ్వతము
జీవించుకన్న
జీవితఫల మిం
కెదిరా?
ఆశాభంగము
పానకమ్ములో
పుడక నేటి కిటు
పడవేసితివో దేవా !
ముద్దు గులాబిని
ముట్టబోవగా
ముల్లు విరిగెనో దేవా !
తీయని పూవుం
దేనె లానబో
తేటి గుట్టె నోదేవా !
గగనమున పతం
గముపై బోవగ
తెగియెను దారము దేవా !
ప్రణయసౌఖ్యమును
పాడుజేయు నీ
పంపక మేటికి దేవా ? ||పానక||
కాలగతి
సద్రత్నము హారమ్మున వ్రేలకె
సంద్రమ్మడుగున నణగునె యకటా ?
మేలిపూవు చెలిజడలో నలరక
గాలిని విచ్చుచు తావి వీడునే ?
అడవిం గాసిన వెన్నెల యట్టుల
పడతీ ! నీ యందమ్ము వృథయౌనే ?
బూదింబోసిన పన్నీరట్టుల
పొలతీ ! నీ సరసత వమ్మౌనే ?