బసవరాజు అప్పారావు గీతములు/ఆశాకిరణము
ఆశాకిరణము
శుభ్రజ్యోత్స్నకు వన్నె గూర్చు నీ
సోయగంబు గనువారే లేరే?
విభ్రాంతి గొల్పునీ దివ్యప్రభ
వీక్షించువారు లేరే కాంతా?
రాల్గరిగించెడు నీప్రేమరాగ
మాలించువారె లేరే యింతీ?
కాలము నిరవధి పృథ్వి విపులమౌ
జాలింబడియెద వేలే బేలా?
గగన కుసుమములు
ఆకాశసుమముల నంద మౌనంచు
పొలతి యాశాలతన్‌ బోషింతు వేలె?
శ్రీకృష్ణుపదదివ్యసీమ శోభిల్లు
బూజాసుమంబుల బూయింపరాదె?
పలురంగులను కన్ను లలరించునంచు
నాశాదళమ్ముల గోసెదే లింతి?