ఈ పుట ఆమోదించబడ్డది
36
స్మృతికాలపుస్త్రీలు
ఏడు పురుషముల వఱకును సపిండత యుండును గాన మాతృవంశమున నేడుతరములలో జన్మ గల్గిన కన్యను వివాహమాడ రాదని తేలుచున్నది.
మాతృవంశమున నైదు తరముల నియమము చాలునని కొన్ని స్మృతులు చెప్పుచున్నవి.
మాతృబంధుభ్యశ్చ పంచమాత్
- (గౌ.ధ.సూ. 4-5)
(అయిదు తరములలోని మాతృ బంధువులయింటి కన్యను వివాహ మాడరాదు.)
పితృవంశమున నేడు తరముల వఱకును సంబంధము లేని కన్యను చేసికొనవలెనను నియమము కూడ కలదు.
పంచమాత్సప్త పిండాదూర్థ్వం మాతృతః పితృత స్తథా
- (యాజ్ఞ 1-54)
పంచమీం మాతృబంధుభ్యః సప్తమీం పితృబంధుభ్యః
- (వసి.8-2)
మాతృతః పంచమీం పితృతః సప్తమీం
- (లిఖిత 4-1)
మేనత్త మేనమామ బిడ్డలను వివాహ మాడరాదని దీనివలన తేలుచునేయున్నను మనువీ యంశమునీ విధముగ స్పష్టముగ వక్కాణించు చున్నాడు.
పైతృష్వసేయీం భగినీం స్వస్రీయాం మాతురేవచ
మాతుశ్చభ్రాతుస్తనయాం గత్వాచాంద్రాయణంచరేత్