ఈ పుట ఆమోదించబడ్డది
200
స్మృతికాలపుస్త్రీలు
(గంధపు పూత మున్నగు నుపచారములు, ఆటలు, ఆభరణములను, వస్త్రములను స్పృశించుట, ఒక యాసనము మీద కూర్చుండుట - ఇవి వ్యభిచార చిహ్నములు.)
ఒకని భార్య నొకడు హరించుచుచో నాహరించు వానిని చంపివేయవచ్చునని స్మృతులు చెప్పుచున్నవి. ఒకని భార్యను హరించువానికి 'ఆతతాయి' యని పేరు.
క్షేత్రదారహరశ్చైవషడేత ఆతతాయినః
- (యాజ్ఞ. 3-16)
ఆతతాయి సమాయాన్తం హన్యాదేవా విచారయన్
- (మను. 8-350)
(మీదికివచ్చు నాతతాయి నాలోచింపక చంపవలసినదే.)
పైన వివరింపబడిన విధములచే భార్యను వ్యభిచారాదులనుండి కాపాడు కొనకుండి వ్యభిచరించు భార్యను వదలి వేయనివాడు దోషియగుచున్నాడు. అట్టివాడు పజ్త్కిబాహ్యుడు 'మృష్యంతి ఛయేచోపపుతిం స్త్రీజితానాంచ సర్వశః' అను వాక్యము నిదివఱలో చూచియే యున్నాము.
భార్యయోని నితరు లనుభవించుటకు వీలుకానిదానిగా చేయుటకొక ప్రక్రియ ఆపస్తంబ గృహ్యసూత్రములో చెప్పబడినది. ఆప్రక్రియ యిట్లున్నది.