ఏకాదశాధ్యాయము
187
'స్త్రీ వ్యభిచారమువలన నీ లోకములో నింద్యురాలగును. ఉత్తరజన్మమున నక్కయగును. మఱియు పాపరోగములచే పీడింపబడును'
వ్యభిచారమువలన గల్గిన సంతానము కూడ నింద్యమే యగుచున్నది. అనింద్యములగు వివాహముల వలన జనించిన వారే వంశము నిల బెట్టు పుత్రులని 'వివాహవిధాన' మను నధ్యాయమున చూచియుంటిమి. ఔరసులుకాని పుత్రులకు తండ్రియాస్తిలో భాగము రాదు కాని వారికి భరణ మీయవలెను.
ఏకఏవౌరసఃపుత్రః ప్రిత్య్రస్యవసునః ప్రభుః
శేషాణామానృశం స్యార్థం ప్రదద్యాత్తుప్రజీవనం.
(మను. 9-168)
వ్యభిచారమువలన గలిగిన పుత్రులు గూఢజుడు, కానీనుడు, సహోఢుడు, పౌనర్భవుడునని యయిదువిధములుగ నున్నారు.
ఉత్పద్యతేగృహేయస్య నచజ్ఞాయేతకస్యసః
సగృహేగూఢ ఉత్పన్నస్తస్యస్యాద్యస్యతల్పజః
(మను. 9-170)
(ఎవనికి జనించినాడో తెలియని పుత్రుడెవని యింట పుట్టుచున్నాడో యాతని పుత్రుడా తల్లికి భర్తయగువాని గూఢజపుత్రుడని చెప్పబడుచున్నాడు)
