రసాలక : లతాంతరితో రాసోత్సవం నిభృత మవలోకయామీతి
(తథా కుర్వన్ ఇవ స్థితః)
(తతః ప్రవిశతి యథానిర్దిష్టో మాధవః)
మాధవ : కథమేతా మందతిక మేవ సమాయాంతి! తన్నిమిష మాత్రమేవ
ధైర్య మవలం బిష్యే. సర్వా మాధవాంతిక ముపసర్పంతి)
(రాధికాం నిర్వర్ణ్య)
నీలాంశుకాలంకృత[1] పీవరోరూ
ర్దరస్ఫుర న్కోమలబాహుమూలా
వతంసయంతీ సుముఖీ విభాతి
సమ్మోహ విద్యేవ మనోభవస్య. 34
(తతః ప్రేమకళా నిర్వర్ణ్య)
ఏషా ప్రసూనాశుగ[2] చాపయష్టిః స్పష్టీకృతా భ్రూలతికాపదేశాత్
సింధూరబిందు ర్గుళికేతి[3] శంకే పంకేరుహస్మేరదళాయ తాక్ష్యా[4] 35
(వకుళమాలికా మాశ్రిత్య విలోకయా మ్యాసాం భావం నిభృతమితి)
(తథా కరోతి)
రాధికా : కథ మత్రైవాంతరితో[5] మాధవః (సర్వా నిరూపయంతి)
(రాధికా నిపుణం నిరూప్య)
నమ్రీభూత సురేంద్రమౌళిముకుట ప్రాగ్భార సంభావితమ్,
గోపాలీకుచలకుంభపాళి విలసన్ కస్తూరికాశ్యామలమ్
దైవాదేవ కదంబమూల మిళితం లక్ష్మీవిలాసాస్పదం
సంప్రాప్తం క్వనుహారితం బత మయారత్నం చిరత్నంపునః 36
వకుళ : (ఆత్మానం నిర్వర్ణ్య)
ప్రాణమాత్రే [6]విగళితేన జీవంతి క్వచిజ్జనాః,
వినా ప్రాణాధిక మహం జీవామీతి కిమద్భుతమ్. 37
పీయూషలహరి
559
