విలసిత నీరజ వదనుడు,
నీలదేహ నిరుపముడును
గోపాలీ నందనుండు
మహిళా మానస హారియు,
మందహాస ముగ్ధముఖుడు
నైనయతని కన్నమేము
కన నెరుంగ మన్యు నెవని. 50
కొందరు: నిరుపమ మగు నా కులతను నీ దాసీగణము పొంద
నీక్షింపవె నాథ నీవు? ఎందుకు నీయెద క్రోధము?
హింసింతువు స్త్రీల నిటుల నేమి ఫల మ్మార్జింతువు? 51
నేపథ్యమున
మధుర యానమ్ముతో మధుజగత్పతి వచ్చె
అరవిందలోచనా మకరంద నవబిందు
లోచనాంచల చకోరానంద చంద్రముడు
మదమత్త దరహాస సారమంజుల ముఖుడు
పరివీత పీతాంబరము ధరించినవాడు
మధు జగత్పతి వచ్చె మధురయానమ్ముతో 52
అందరు : (స్వాగతముగ)
మందయానముతోడ గోవిందు డేతేర
ఫాలలోచనువహ్ని భగ్ను డైనట్టి యా
పంచబాణుడు నేడు పంచత్వమును వీడి
లోకోపకారియై తులకించి పులకింప
నభిరూప రూపియై యరుదెంచి స్వనియించె 53
వచ్చుచున్నాము. రండు, పోవుదము (మాధవ సామీప్యమును
జేరుదురు)
రసాలకుడు: ఇక నేనును గనుపించెదను (సమీపించును)
మాధవుడు: మీ కేమి ప్రియ మొనర్తును?
పీయూషలహరి
547
