ఘన ధూళీ లక్ష్మవల్లి
భూమమౌచు నెసగెడు నా
హోమకుండమును బోలిన
చంద్రమండలమున కొసగి 39
ప్రేమకళ: దీని నవధరించుచున్నాను.
భర్గు ఫాలనేత్రాగ్నికి నర్ధముగా దగ్ధమైన
కుసుమాయుధు దేహ మిప్పు డీ మార్గము తిలకించుచు
కృష్ణసార బిందువు మాటున చల్లందనము నొంది
శీతకిరణుడౌ శశియను నమృతతటాకపు జలతతి
పూర్ణశరీరముగా నై ప్రసవాస్త్రమ్ముల నిటు మన
పై దూసిన రీతి దోచు పరమ కళానిపుణతతో 40
రాధిక: (సవితర్కముగ)
శశిబింబము కా దయ్యది
స్వర్గాధిపు మదగజమౌ
ధృతదంతము మదమత్తము
ఆ నీలకళంకవల్లి
మదధారల చారికలే! 41
ప్రేమకళ: అంతరిక్ష మార్జించును గాసారపు కమ్రశోభ
నక్షత్రము లొలయు నిదే నళినీ సుమసౌందర్యము
కిరణ మృణాళీ వల్లరి శశిబింబమ్మగు మూలము
నీలబిందు వేషమ్మున లీల ఖనన మొనరించెడి
ఇది చంద్రుని మచ్చకాదు ఎచ వచ్చినదో పోత్రి? 42
నవమాలిక: గాఢమదాలస విలాసినీ రద కాంతిచ్చట యన
వైహాసిక దరహాస క్షరకిరణచ్చవి యనగా
చలిత తరళమౌ రోహిణి మండలమ్ము పండినదన
రసవికాసమను మధువును రజనీపతి స్రవియించెడి. 43
రాధిక: (పవనస్పర్శ నభినయించి)
చింద బడెడి పెనుమంటల నాందోళన తరళన్నవ
చందనదళ వసనాంచల మదనానిలు డుమిసెడి, నొహొ
పీయూషలహరి
545
