వల్లవీ తరళ నేత్రాపాంగముల చేత
పల్లవీకృత వస్తు నాశ్రయించెద నేను 31
విలోకించి : గోపీ మనోహారిణీ సూత్రధారియై,
కందర్ప బాణముల కాందిశీకునివోలె
నవ్య నందనమైన బృందావనమునందు
నందసూనుడు వేణు నాదమ్ము లొలికించె. 32
నవమాలిక: ప్రాలేయాంశుని శోభల
పరిహసించు ముఖజలజము
సతులకు నీవీ విదళన
ముల గూర్చెడి మోహవిద్య
ప్రణయమ్ములు కడు క్రువ్విన
గుల్మము చాటున మసలుచు
నిరుపముడౌ నీలకాంతి
పరిణత మధు సారణిగా
బృందావన కుహరమెల్ల
నానందోజ్జ్వలత గ్రమ్ము 33
రసాలకుడు: ఈ లతలలో పొంచియుండి రాసోత్సవమును దర్శింతును.
(నిర్దేశించి రీతిని మాధువుని ప్రవేశము)
మాధవుడు: వీరందఱును నా సన్నిధిని జేరుచున్నారుగదా! నేను నిమిష
మాత్రము ధైర్య మవలంబించెదను. (అందఱును సామీప్యమును
జేరుదురు)
మాధవుడు: (రాధిక నుద్దేశించి)
అసితోత్పల కమ్ర కుసుమ కర్ణాలంకరణములను,
లలిత నీల వసనాంచిత రమ్య పీవరోరువులను,
చేలము ప్రక్కన సగముగ చెలగు బాహుమూలములను
నొప్పెడి యీసుముఖి సొగసు కాముమోహవిద్యగదా! 34
(అంత ప్రేమకళ నుద్దేశించి)
పంకేరుహ హసననేత్ర! స్పందించెడు నీ పరిణత
పీయూషలహరి
543
