సిగ్గువడ చుంబించుచున్ మారుతుడు లతా
బృందమున నాడెడిని మందమందమ్ముగా, 3
ఓహో : భాగవతజన శీతమయూఖుడును, నీలాచల మౌళి మండన
మణియు నయిన గరుడధ్వజుని యనుగ్రహమున నాయన
ప్రాసాదము నందు ప్రసన్నులై సామాజికు లెల్లరును గోష్ఠి గావించి
యున్నారుగదా! మఱియు నొక విశేషము.
మించు మించిన చిత్ర పృథుచంచలత్వమ్ము
చేతశ్చమత్కార చటుల సంచారమ్ము
పీయూష రుఙ్మండలీ స్రవత్ స్వచ్ఛమ్ము
సంచలన్మృగదృశా చలదపాంగమ్ము
ఆనంద సంధాయినియునైన జయదేవ
మహనీయ పండితమణిగోష్ఠి వర్తించు
మనసార నర్తింప మోహనము రూపకము 4
(యవనికవైపు విలోకించి) అహో! నా యీ యల్పకుటుంబ విశేష పేశలత్వము
నేమని విన్నవించగలను? ఉదాహృతికి.
పెన్నెరు లెన్నో ప్రియమున నొక్కతె
పెన్చుచునున్నది వంకలు వంకలు
మంజుల మకరీ శోభల నొక్కతె
కులికెడి కుచముల మలచుచునున్నది
ఎంతో యందముగా వలయానికి
ఇంకొకకాంత వహించెడి భుజముల
కన్నుల బెళ్కులు కన్పించెడి నదె
కాటుక నీటుల బోటి యొకర్తుక. 5
అందువల్ల నేను సైతము పారిపార్శ్వకుని చేత రంగమంగళమును
తరంగింపచేయు దును. ఓరి వత్సా, శృంగారకా! ఇటు రమ్ము.
పారిపార్శ్వకుడు : (ప్రవేశించి) భావుకా, (బావా!) ఏమి విజ్ఞాపించు చున్నావు?
సూత్రధారుడు : విమలౌ జ్ఞానులకు విపులముగ నమలగతి
చిత్తఖంజన చర్య, రంజనోజ్జ్వలకర్మ
గావింపగా లేనిదౌ నాట్యరంగమ్ము
534
వావిలాల సోమయాజులు సాహిత్యం-2
