తృతీయ దృశ్యం
(భుజంగం ఇంట్లో ఒక భాగం - సేవాసమితి ఆఫీసుగది. జయమ్మ ఒంటరిగా
కూర్చొని ఉంటుంది. చైతన్యం వ్రాసిన గీతానికి ట్యూన్ వేసుకుంటూ ఉంటుంది)
కలకందని ఆ లోకం!
కనినారా! కనినారా !!
కలకందని ఆ లోకం
కాంచన ఘన నవలోకం
కదలిందీ, కదలిందీ
జాతిరథం! రాతిరథం కలకందని.....
ప్రభువులమే మేము
బానిస లిక లేరు
చైతన్యం! నవచైతన్యం
సుప్తోద్ధృత నవచైతన్యం
కలకందని ఆ లోకం!
కనినారా! కనినారా !!
రేణు : (ప్రవేశించి) ఏం జయా! డాక్టరు చైతన్యంగారి పాటే!
జయ : ఏం వారిపాట నేను పాడకూడదా ఏం? - రా రేణూ ఇలా కూర్చో.
రేణు : ఏం జయా! ఒంటరిగా కూర్చున్నావు. మీ సమితి సభ్యులు ప్రచారగీతాలు పాడుకుంటూ కనిపించారే, ఇందాక, అగ్రహారంలో.
జయ : నీవు ఇలా దారితప్పి వస్తావని కూర్చున్నా!
రేణు : నీవూ నిన్న మండలిలో దారితప్పి మహోపన్యాసం చేశావని విని అభినందించి పోదామని వచ్చాను.
254
వావిలాల సోమయాజులు సాహిత్యం-2
