చంద్రశేఖరం : జాతీయ ముస్లిం ప్రాతినిధ్యం.
మణెమ్మ : మా మహిళాలోకం సంగతి మరిచిపోవద్దని మనవి.
పుణ్యకోటి : అందుకనే సగానికి సగం. ఒక కార్యదర్శి, ఉపాధ్యక్షపదవులు రెండూ మీ స్త్రీ లోకానికిచ్చాం.
రావు : మా రిపోర్టులో ఈ విషయం ప్రత్యేకంగా మెన్షన్ చేస్తామప్పా!
భుజంగం : ఈ సంగతంతా ఏమిటో నాకు ఇంతవరకూ అర్థం కాలేదు.
పుణ్యకోటి : నగర సేవాసమితికి అధ్యక్షులుగా ఉంటున్నారని తెలిస్తే చాలును. (రిపోర్టు చూపిస్తే ఇద్దరూ చూస్తారు)
చంద్రశేఖరం : (పుణ్యకోటివంక చూస్తాడు - పుణ్యకోటి నీవే కానివ్వమన్నట్లు సంజ్ఞ చేస్తాడు)
నగర సేవాసమితికి భుజంగంగారిని అధ్యక్షులుగానూ, మణెమ్మగారిని ఉపాధ్యక్షులు గానూ ఎన్నుకున్నాము.
(కరతాళధ్వనులు)
జయమ్మ సహాయ కార్యదర్శి పుణ్యకోటి కార్యదర్శి.
(కరతాళధ్వనులు)
జయ : మామయ్యగారూ క్షమించాలి నేను అంగీకరించలేను.
మణెమ్మ : అల్లా వీల్లేదు. నీవు తప్పకుండా అంగీకరించాలి. పుణ్యకోటిగారితో కలిసి పని చెయ్యటానికి వెనుకాడడ మెందుకు?
పుణ్యకోటి : అధ్యక్షులూ, ఉపాధ్యక్షులూ ఈ ఆసనాలు అలంకరించాలి.
(కూర్చున్న తరువాత మెళ్ళో దండలు వేసి కార్యక్రమం చేతికిస్తారు)
భుజంగం : 'ప్రార్థన’
పుణ్యకోటి : (జయమ్మవైపు చూస్తాడు)
జయ : (తప్పనిసరిగా లేచి నిలబడుతుంది)
బుడే : (వెళ్ళిపోబోతాడు)
230
వావిలాల సోమయాజులు సాహిత్యం-2
