సాష్టాంగ ప్రణామమ్ము
లర్పింపగ జేసినారు
మీ గొప్పను నాకు చెపుతు
ఇంటికి గొనివచ్చినారు
మీరు చేయు 'శంభో!' అను
ఆలాపన 'గోవిందా!'
అను స్మరణము అనుకరిస్తు
బహుకాలము గడిపినాను.
—♦♦♦♦§§♦♦♦♦—
18 ధ్యానము గావించి మిమ్ము
ఆవాహన చేసినంత
ఆదరణతో ఈనాడును
అరుదెంతువు ఆదిభట్ట!
అభినుతించి అంజలించి
ఏ నివాళు లర్పించిన
ఏది అడిగిన నది చెప్పెదు.
ఎవ్వరి కడ నేమియు పఠి
యింపకున్న నేమి భట్ట
అఖిలవిద్యలును నీవై
అలరింపగ జేసెగదా!
నృత్య సరస్వతివి నీవు,
గాన సరస్వతివి నీవు,
సాహిత్య సరస్వతివి,
సర్వకళా శారదవు
సత్యభావ నీరదవు[1]!!
నీవు నిల్చు నిలయమ్ములు!!
నిస్తుల దేవాలయాలు
వేదమంత్ర మూలాలౌ
దేవతలను పిలిచి నీవు
వీక్షింపగ జేసెదవు.
—♦♦♦♦§§♦♦♦♦—
19 ఓ నారాయణదాసా!
ఓహో ఓ మహాదాస!!
నీవు తెలుపు భావమ్ములు
నిత్యమ్ములు, సత్యమ్ములు
నిర్మలములు, నిస్తులములు[2]
ఆముష్మిక బోధనములు!
అఖిల [3]పాపభంజకములు!!
భక్త్యాషధ గేహమ్ములు
వలచి వచ్చి చేరును నిను
ప్రీతితోడ, ప్రేమతోడ
మంగళ సద్ద్రవ్యమ్ముల
రమ్య పరమభాజనాల[4]
పంచియిచ్చి సమ్మోహన
[5]రసచషకము నందింతువు
కథాకథన జలధియాన!
భక్తరక్షణాభిమాన!!
కడునేర్పరి! [6]కర్ణధారి!!
—♦♦♦♦§§♦♦♦♦—
20 నారాయణభట్ట! మీరు
నారాయణులే తలంప
అవతరించు వేళను నా
రాయణుండు నరసంబం
ధము గల్గిన దేహమ్మును
దాల్చుగదా! అట్లె సర
స్వతులు మీరు ఆదిభట్ట
నారాయణగాను అవత
రించినపుడు నరశరీర
మును ధరించినారుగదా!
—♦♦♦♦§§♦♦♦♦—
- ↑ నీరదవు = మేఘమువు
- ↑ నిస్తులము = పరుషమైనది
- ↑ భంజకములు = విరుచునది
- ↑ భాజనాల = భోజనపాత్రలు
- ↑ చషకము = పానపాత్ర
- ↑ కర్ణధారి = ఓడను నడుపువాడు
________________________________________________________________________________
808
వావిలాల సోమయాజులు సాహిత్యం-1
