ఈ పుట అచ్చుదిద్దబడ్డది
శా. వాగర్థంబులు శ్రోతృవక్తలు జగద్వంద్యుండ వద్వైత వి
ద్యాగోష్ఠిన్ వివరింప నీవె కద చిత్తవాసముం జేరి మ
త్రాగల్భ్యమ్ము సమస్తమున్ మెరయ శుంభ త్ప్రౌఢి పల్కింపనే
నీ గాథన్ గిరిశా! ప్రజాపతిపురంధ్రీ కంఠహారమ్ముగన్.
కం. తెలతెలవారెడ్డి తూరుపు
తెలిగన్నుల విచ్చి దేవ! దీవన లిమ్మా!
తలపున నీ యెడ నాపై
వలపే జనియింప నిమ్ము వరద! దయాళూ!
కం. "శ్రీకంఠ! కంఠభూషిత
కాకోదరవర వరాకఖండ మతవ్యా
ఖ్యాకోలాహలదూర" చి
దాకృతి! జితకాల! కాలహస్తీశ! శివా!" 21
(భారతి 1952 నవంబరు శాంతి 1961)
64
వావిలాల సోమయాజులు సాహిత్యం-1
