| |
దిగివచ్చినాడు క్రొత్తగా వచ్చినాడమ్మ
రారమ్మ రారమ్మ రారమ్మ రారమ్మ
ఓ తెనుగు పూలార! ఓ యనుగు పూలార!!
|
|
| 4. |
అమర లోకమునుండి అరుదెంచు త్రోవలో
ఆకలిని గొన్నాడు ఆసనం బీయండి
కంటక కిరీటంపు కాంతిపుంజము జూచి
కళవళింపకు డోయి కలతపడకం డోయి
'రత్నాక రామూల్య రాగసంపద మెరయు'
నవనీత హృదయుండు నవచూత కోకిలము
రారమ్మ రారమ్మ రారమ్మ రారమ్మ
ఓ తెనుగు పూలార! ఓ యనుగు పూలార!!
|
|
| 5. |
ఇతరులతొ సొదలతో ఈ హాస మృదువాస
నలతోడ కొసరు తేనెలతోడ రొదతోడ
ఇతని ప్రణయపు గాథ ఎనలేని పూ బాధ
కన్నీరు కాల్వగా కరిగించె నీ జగతి
మన చిన్ని హృదయాల మన కన్నెభావాలు
పల్లవింపగ జేయ పలవింపగా జేయ
రారమ్మ రారమ్మ రారమ్మ రారమ్మ
ఓ తెనుగు పూలార! ఓ యనుగు పూలార!!
|
|
| 6. |
ఆమె యాషాఢ జలధరాయతన సీమ
నొడలు పులకింప నటియించి యొరగి సోలి
మేల్కొనుచు మెరపుటన్నుల మిన్న గాని
దీనుఁ డగు నన్ను నేలెడి తెరవ గాదు
|
|
| 7. |
7. స్వాగతోన్ముక్త గీతా స్రవంతి కలుగ
నపుడు ననుఁ బిల్చె నీయలల గములు
ప్రణయరస మధువాహినీ బంధురములు
సైకతముల నేని కనఁగఁ జనఁగ నీవు
|
|
________________________________________________________________________________________
