36
వాసిష్ఠరామాయణము
యే కర్మములు చేయ - కిరవొందినట్టి
యాకాశజునిఁ ద్రుంప - నలవియె నీకుఁ?
గోపతాపములచేఁ - గ్రూరాత్ములైన
పాపకర్ములను జం-పందగుఁ బొమ్ము!
అనిన దండ్రికి మ్రొక్కి - యా మృత్యు వరిగె;
నన వసిష్ఠునిఁ జూచి - యా రాముఁడనియె: 760
'మునినాథ! యాకాశ - మునఁ బుట్టె విప్రుఁ
[1]డని యంటి, రతఁడు బ్ర - హ్మని తోఁచె, వాని
విశదంబుఁ జెప్ప-వే!' యన్న, నమ్మౌని
దశరథాత్మజుఁ జూచి - తగ నిట్టు లనియె:
'వసుధేశ! మృత్యుదే - వత కగపడని
యసమానుఁడే బ్రహ్మ - యగుఁ, బృథివ్యాది
భూతవిరహితుఁడై , పొసఁగి యాకాశ
మేతీరుగా నిండు - నెల్ల దిక్కులను
నా రీతిగా దా ని - రాకారుఁ డగుచు
భూరి సంకల్ప సత్ - పూరుషుఁ డయ్యె; 770
అరయఁగా నతఁ డజు - డాది మధ్యాంత
విరహితుం డాద్యుండు - విమలుండు నగుచుఁ
గలలోన నొక వంధ్య - గన్న పుత్రకుని
వలెఁ గల్గి తా దేహి - వలెఁ దోఁచుచుండుఁ,
దెలిసితే పరమాత్మ - దేహిగాఁ' డనఁగ
నల రామచంద్రు డి - ట్లనె: 'నోమునీంద్ర!
- ↑ డనఁగ నాతఁడు బ్రహ్మముని తోఁచె, దాని - వా.