100
వరవిక్రయము
నాకు కూడు లేదు నా బిడ్డ కిప్పుడు
కూడు, గుడ్డ, కొంపకూడ లేవు
అయినవెల్ల సేర్చి అల్లుడోళ్ళకు పెట్టు
కమ్మ సచ్చినోళ్ళ కర్మఁమింతె. (నిష్క్రమించును.)
ఒక సెట్టి :- (ప్రవేశించి) నా కతగూడా సెపుతాను నవ్వకండేం.
సీ. పెసలలో, సోళ్లలో బెడ్డలు కలిపివేసి
పెజల నెత్తులు గొట్టి పెంచినాను
మేనల్లు డింట్లోను మిడుకుతుంటే పిల్ల
నింకొక సిన్నోడి కిచ్చినాను
గళ్లున పదివేలు పళ్ళెవులోఁ పోసి
సకల మరేదలూ జరిపినాను
గుంటూరు మేళవూ గూడూరి సుందరి
పీకపాటా పిలిపించినాను
అయిదు రోజులు జుట్టిప్పు కాడినాను
తెలక రెండు దివాలాలు తీసినాను
యెల్లి యిరసాలుమెంటు కోర్టెక్కినాను
వచ్చి పెసరట్ల జంగిడి పట్టినాను. (నిష్క్రమించును.)
లింగ :- (చటాలున ప్రవేశించి) బావగారు! చివరకు, బందిని బొడిచి బంటనిపించుకొన్నారు! మీ ప్రబోధము వినుచుఁ, ప్రచ్ఛన్నముగా నేనును మీ వెనుకనే వచ్చుచున్నాను. ప్రజలలో మిమ్మును, మీ కొమార్తెను, మీ యల్లునిఁ బ్రశంసింపని వారును, నన్నును నా భాగ్యమును బరిహసింపని వారును లేరు.
సీ. కట్టక ముట్టక కడుపునకేనియుఁ
గుడువక యొక కొంత కూర్చినాను!
వడ్డికి వడ్డీలు వంతునఁ బొడిగించి