ప్రథమాంకము
3
చ. నవరసపూరపూరితము నాటకమీయది యంచు నెంచి పాం
డవ విజయంబుఁ దెల్గున నొనర్చిరి వీరరసప్రధానమున్
నటి- కృతికర్తల పేరు చెప్పరైతిరి.
సూత్ర- చెప్పుచుండగనే నీకింత తొందరయేల?
కవలవలెం జరించుచుఁ బ్రకాస్తి వహించు శతావధానులే
కవులిఁక వారిపేరులు జగద్విదితంబులు చెప్పనేటికిన్?
నటి- తిరుపతి వేంకటేశ్వరులా?
సూత్ర- ఏమీ నీ తెలివితేటలు? చెప్పకయే తెలిసికొంటివి.
నటి- (నవ్వుచు) నీమాటలువినిన 'నేమీ నీ తెలివితేట'లని కాకుస్వరముగానే మరల ననవలసి వచ్చినది. 'వారిపేరులు జగద్విదితంబులు చెప్పనేటికిన్' అనుచు నెట్లు తెలిసికొంటివని యడిగితివేమి?
సూత్ర- ఆ పాండవవిజయ మీ సభాసదుల యానతికిం దగినది. కావున దానిం బ్రదర్శింతము. ఈ నీ చతురవాక్యముల కేమిలే. సంగీతము పాడు చాతుర్యముఁ గనఁబఱచుకొనవలయును.
నటి- ఏఋతువు నాశ్రయించి పాడవలయును?
సూత్ర- మనము ప్రదర్శింపఁబోవు నాటకమున కనుగుణమగు నీశరదృతువునే వర్ణింపుము.
నటి- గీ. ధార్తరాష్ట్రసమూహంబు దక్షిణాశ
కభిముఖంబుగఁ జను సమయంబుచూవె
ప్రబల పాండవహంసలు పట్టువదలి
యచ్ఛమానసవైకల్య మనుభవింప.
(తెరలో)
భరతపుత్రా! ఏల యిట్టి యసంబద్ధాలాపము లుపన్యసింపఁ జేయుచుంటివి?
ఉ. నేఁటికి రెండునాళ్ళు చనె నేను ధనుస్సు ధరించి శాత్రవో
ద్ఘాటన మాచరించుటకుంగా నని సేయఁగడంగి; సేన నా
నాఁటికిఁ బాండవేయులది నాశనమందుటె కాని కాన నే
పాటునులోటుఁ గౌరవులపక్షమునం; దిటు పల్కు టేలొకో
పాం. వి. 2