ఓం
శ్రీమత్పరదేవతాయైనమ:
పాండవ విజయము
ప్రధమాంకము
(నాంది)
చ. కరము మనోహరంబు లతికర్ణము లాశ్రితవత్సలంబులుం
బరపురభేదకంబులు సుమాసదపాంగనివాసభూము లు
ద్ధురకృపభావుకంబులు విధూతపితామహ మస్తకంబులౌ
హరిహర నాధులోచనము లైదిటికి న్విజయంబు గావుతన్
(నాంద్యంతమున సూత్రధారుఁడు ప్రవేశించును)
సూత్ర- ఆర్యురాలా! నీయొడలి సింగారము ముగించుకొని త్వరగారమ్ము.
(నటి ప్రవేశించును)
నటి- ఆర్యపుత్ర! ఇదిగో వచ్చితిని. ఏమి సెలవు?
సూత్ర- ఏమి యింత తడసితివి? రసాస్వాదనత్వరాయమాణ మానసులగు సభాసదు లింతటి కాలహరణమున కోర్తురా?
నటి- ఈనాఁడు తలదువ్వుకొనుటకుఁ గొంచెమాలస్యమయినది కావున క్షమింపవలయును.
సూత్ర- సహజశ్రీగల యీకురుల సంతతికి శృంగారము గూడనేల?
నటి-సహజశ్రీగలవానికయినను సంస్కారమువలన మిగుల శోభవచ్చునుగదా?
సూత్ర- (ఆలోచించి) ఔను. ఐనను స్త్రీలకు సహజసౌందర్యమే సౌందర్యము. అందును సకృత్రిమాలంకరణములలోఁ గురులసంతతియే ప్రథమగణ్యంబు.
గీ. కృస్ణవిమతంబు ద్రోణగాంగేయభూషి
తంబు ద్విష్టశిఖండిమద్రబహుళంబు
