పుట:TALANKA-NANDINI-PARINAYAMU.pdf/89

18

తాలాంకనందినీపరిణయము

క.⁠

వారలనలువురిలోన న పారదయాశీలు దుష్టభవనిర్మూలున్, శౌరిపదభక్తలోలు న్నీరదవాగ్జాలు పైలునిం గని బల్కెన్.

⁠ 68

క.⁠

సారతరనిగమబోధిత భారతములు వేరువేరు బలుకుటచే వి స్తారతమిఁ దొలఁగె కుతుక మ నారతము న్గలిగె మీదు నలుగురివలనన్.

⁠ 69

చ.⁠

అందు భవన్ముఖోదితమునై గనుపట్టు మహాపురాణమున్ కొందఱు ధర్మశాస్త్రమని కొందఱు తాత్త్వికసంగ్రహంబు నా గొందఱు నేతిహాసమని కొంద అనాదిపురాణమం చనిన్ గొందఱు వేదగూఢ మనుకొందురు భారత మానుపూర్విగన్.

⁠ 70

మ.⁠

విమలజ్ఞానము మూలకందము లసద్వేదాంతము ల్శాఖ లా గమగాథల్ మృదుపల్లవంబులును యోగన్యాసమే పుష్పసం ఘములున్ గేశవభక్తియే సుమపరాగంబున్ మహాయోగిభృం గములున్ వ్యాసవచో౽మృతాభ్యుదయమై కల్పద్రుమం బట్ల ను త్రమధర్మంబులు నిల్వనీడయగు నేతద్భారతామ్నాయమున్.

⁠ 71

క.⁠

అటుగాన మీర లిటు మా రట సాత్యవతేయువలె పురాణముఖ నట త్తటినీతటనటదూర్మీ పటలప్రకటతరఘటన బలికితిరిగదా!

⁠ 72

క.⁠

అం దందము తాలధ్వజ నందిని శశిరేఖ నందనందనభగినీ నందనుఁడు పెండ్లియాడె న నందనరిక గాథ మఱి వినం దనరె మదిన్.

⁠ 73