పుట:TALANKA-NANDINI-PARINAYAMU.pdf/115

44

తాలాంకనందినీపరిణయము

ఉ.⁠

తీరిచినట్టులు న్సొగసుఁదేరుబొమల్ కనుదోయినిండు సిం గారము బారలం గొలువఁగాదగు కంబుగళంబుడంబు నొ య్యారపుఁజెక్కులుం దళుకుటద్దము లున్నతబాహుమూలవి స్ఫారరుచుల్ జెలంగ నెఱప్రాయమునందు కిరీటి రాజిలెన్.

⁠ 173

ఉ.⁠

సూనృతజన్మభూమి తనుసుందరతానిధి ధర్మమార్గసం స్థానము కీర్తివాస ముచితంబులతావు వివేకరాశి సు జ్ఞానగృహంబు శాంతజనకంబు వివేకనిధాన మంచు స న్మానతఁ గాంచె పాండునృపమధ్యమపుత్రుఁడు రాజమాత్రుఁడే.

⁠ 174

మ.⁠

హరితో స్వర్గము కేఁగి ఖాండవవనం బాయగ్నిభట్టారకే శ్వరు సంతుష్టి నొనర్చి తత్కరుణ భాస్వద్దివ్యగాండీవకే తురథాశ్వాస్త్రచయంబునుం బడసి దోడ్తో శౌరి కారుణ్యభా పరతిన్ స్వర్గసుఖైకభోగముల దేవస్వామిలీలం దగెన్.

⁠ 175

తే.⁠

అతఁ డీరీతి నీలజారాతిభాతి దినదినంబును గళలెల్లఁ దేజరిల్ల నిఖిలసుగుణము లొకతట్టు నిలిచినట్టు సమధికప్రాభవముఁ జెందు సమయమందు.

⁠ 176

క.⁠

ద్వారకలోపల నందకు మారకసోదరి సుభద్ర మంజులరుచిరో దారకథ ల్కోరికదై వార కరము వినియె మిత్రవర్గమువలనన్.

⁠ 177

ఉ.⁠

కోరికచే భ్రమించు, సమకూడుటలే విధియంచు నెంచు,కం సారి గలం డటంచు ధృతి యాశదలంచుఁ జలించు గాంచు నే మారు గృశించుఁ దాళఁ దరమా యని యెంచు భ్రమించు మించు వే సారకె చేఁజలించు చెలిచక్కదనంబు గణించు చిత్తమా ద్వారకయందు నుంచుఁ దను దానె గమించదలంచుచుండఁగన్.

⁠ 178