ఈ పుట ఆమోదించబడ్డది
"గడనగలమగనిజూచిన....వచ్చెననుచునగుదురు వేమా."
అని చేర్చిరి.
ఇట్టివి పెక్కులు గలవు. ఇక వచ్చినపద్యములే మఱలి వచ్చుట కుదాహరణము నిచ్చుచున్నాను.
"ఆడి తప్పువారె యభిమానహీనులు"
అని యొకపద్యము గలదు.
దీనిని తలను మార్చుచు
"పలికి తప్పువాడె" యనికొన్ని మాఱులు, "ఆడితప్పువాడె" యని మఱి కొన్నిమాఱులు పెక్కురీతులగా వారివారియిష్టానుసారముగా కూర్చిరి. ఇక గృత్రిమముల కుదాహరణము. దీనినే మాయ బంగారమందురు.
ఉదాహరణము:-
"కాశికి జనువాని కర్మ మేమనవచ్చు"
అని యొకపద్యము గలదు.
దీనికి:-
"కాశికి జనువాని కష్ట మే మనవచ్చు"
అని కొన్నిటిని,
"కాశిపోవలె నని గంతగట్టగ నేల"
అని మఱికొన్నిటిని,
"కాశి కేగునట్టి కష్ట మే మనవచ్చు"
అని కొన్నిటిని కూర్చియుండిరి.
