నవలత, కానవే నవలతాతన్వినిఁ గీరంబ, కానవే కీరవాణిఁ గానవే రంభ, రంభోరుకాండయుగళి చక్రవాకంబ, కానవే చక్రకుచనుఁ బుష్పవనవాటి, కానవే పుష్పగంధిఁ జందురుఁడ, కానవే పూర్ణచంద్రముఖిని.
విను సుధాకరుఁడవు విష మేల కురిసెదు చందమా నీ కిది చందమామ శీతాంశుఁడనుపేరు చెఱిచి నిప్పులు గ్రక్కఁ జందమా నీ కిది చందమామ కువలయాప్తుఁడ వయ్యుఁ దవిలి పాంథుల నేఁపఁ జందమా నీ కిది చందమామ శివునకు నవతంసమవు మరుఁ గూడంగఁ జందమా నీ కిది చందమామ విబుధులను బ్రోచుదాతవు వినుము నీవు సుద్దములు బద్దములు గావు సుద్దు లెల్ల నఖిలకళలందుఁ బ్రోడవైనట్టి నీకుఁ జందమా హింస గావింపఁ జందమామ.