172
శ్రీ రా మా య ణ ము
గుఱుతులుగా నెఱుం - గుము రామునెదిరి
సురనాథునకుఁ దల - చూపంగరాదు4050
సురగరుడోరగా - సురసిద్ధసాధ్య
వరులు గెల్వఁగ లేని - వరములు నీకు
నల ధాత యిచ్చినాఁ - డనుచు గర్వింప
వలవదు వారిలో - వాఁడె భానుజుఁడు?
బహుకాల ముగ్రత - పంబులు చేసి
విహితవైఖరిఁ గన్న - విభవమంతయును
కటకటా! సీత యొ - క్కరితెకె యొక్క
చిటికి వైచినయంత - చెడగఁ జూచెదవు!
రాముఁడు గవిసిన - బ్రహ్మరుద్రాదు
లేమని వచ్చివ - హించుకో గలరె?4060
నామాట నిజముగా - నమ్మి జానకిని
రాముని కర్పించి - బ్రదుకు” మీవనినఁ
గోపించి “మీరలీ - క్రోఁతినిఁ బట్టి
యీపొద్దె యాజ్ఞ సే - యింపుఁడు పొండు.”
అని కింకరులఁ జూచి - యాడిన యన్న
గని విభీషణుఁడు డ - గ్గరి యిట్టులనియె.
-: హనుమంతుని మాటలను విని యాతనిఁ జంపుటకాజ్ఞయిచ్చిన రావణుని విభీషణుఁడు నివారించుట :-
“అగ్రజ ! వలవని - యాగ్రహంబూని
సుగ్రీవుచారు ని - చ్చో నాజ్ఞ సేయ
చెల్లునే? దూతలు - సేయరానట్టి
చుల్లకమ్ములు సేయఁ - జూచిన దొరలు4070
