పుట:Sri Ramayanamu Sundara Kanda Katta Varadaraju 1952 251 P 2030020024835.pdf/132

యటువంటిదే సత్య - మయ్యెనుగాక!
మంచిమాటకు నను - మానింపనేల?
ఎంచ దైవంబు తో - డింక నౌనేమొ? "
అనుమాటలోన శా - ఖాగ్రంబు డిగ్గి
జనకతనూజాత - చరణాబ్జములకు 2410
సాగిలి మ్రొక్కి యం - జలిచేసి భక్తి
యోగంబుతోడ వా - యుతనూజుఁ డనియె.

-: హనుమంతుడు సీతకు నమస్కరించి మాట్లాడుట :-

"అమ్మ! యిట్లు మహీరు - హచ్ఛాయ నొంటి
కొమ్మ వట్టుక కన్నుఁ - గొలుకులయందు
వెలిదమ్మిఱేకుల - విరిదేనె చిందు
నలవున నుడివోని - యశ్రులురాల
నేమి హేతువు? నీకు - నిచ్చోటనుండ
నేమిటి? కెవ్వరి - యెలనాఁగ వీవు?
అమరభామినివొ! వి - ధ్యాధరయక్ష
రమణివొ! కిన్నర - రాజీవముఖివొ! 2420
గారుడకాంతవొ! - గంధర్వసిద్ధ
నారీలలామవొ! - నాతి! వాకొనుము.
తెలియఁజూచితి వన - దేవతవనుచుఁ
దలఁచెద నెవ్వరి - దానవు నీవు?
హరిణాంకు నెడవాసి - యవనికి డిగ్గి
తిరిగి పోలేక చిం - తించు రోహిణివొ!
పంతంబు డించుక - ప్రణయకోపమునఁ
జెంత వసిష్ఠు బా - సిన యరుంధతివొ!