86
శ్రీ రా మా య ణ ము
కులకాంత లందఱు - గొలిచి యుండుదురు!
ఒప్పుమీ" వనిన చం - డోదరి కంట
నిప్పులు రాలంగ - నిశిత శూలంబుఁ
గేల జాడింపుచుఁ - గిటకిట పండ్లు
చాల గీఁటుచు వచ్చి - జనకజ కనియె 2030
"వీరి వారిని బోలె - వికటముల్ వలికి
పోరాదు నీకు నా - బుద్ధులు వినక
చెడనేల? రావణుఁ - జెట్ట వట్టెదవు
కడిచేసి నిన్ను నాఁ - కటికి మ్రింగుదును
నేరువు చూతము - నీవిందు నొకటి
యేరుచు కొమ్మునా - కెటులైన లెస్స!”
అనునంతఁ బ్రఘస “యీ - యవనీతనూజ
మన రావణునిఁ దీర్చి - మారుమాటాడె!
అందుకు నాజ్ఞ యీ - యలివేణి కుతికె
ముందుగాఁ గఱచి రా - మునిఁ గూడుమనుచు 2040
నెత్తురుత్రావుదు - నేనన్న” నగరి
యుత్తరు వడిగి రం - డొకమాటు మీరు"
అన యజముఖి వల్క - నందఱికన్న
మునుపుగా శార్దూల - ముఖి యిట్టులనియె
"సెలవిచ్చె రాక్షస - శేఖరుం డిపుడు
'చెలిమి రమ్మ'ని నాదు - చెవిలోనఁ జెప్పె
అడపంబుఁ గట్టెడి - హరిణియే సాక్షి
తడవేల యిదిమన - తామసంబింతె
సీత యంగము లెల్ల - చేతి నూరీల
కోత మిప్పుడె పంచు - కొంద మిందఱము 2050
