ఆరణ్యకాండము
43
వచ్చు నగస్త్యు బా - వనుఁ బుణ్యశీలు
నచ్చోట జూచి సీ - తాంగనా విభుఁడు 990
సాగిలి మ్రొక్కి యం - జలి చేసి భక్తి
యోగంబుచే నేమి - యునుఁబల్కలేక
యూరక నిలుచున్న - నురుతపోధనుఁడు
గారవంబొప్ప రా - ఘవులఁ దీవించి
యట నిల్వుమని తన - యావాసమునకు
జటులు వెంబడిరాఁగఁ - జని వీతిహోత్రు
నారాధనముఁ చేసి- యతిథికోటులను
బారల మౌనుల - పంక్తు లమర్చి
యందఱ వేర్వేర - నర్ఘ్యపాద్యములఁ
జందనాక్షతములఁ - జాల నర్చించి 1000
భోజనాదులను తృ- ప్తులఁ చేసి మౌని
రాజుక్రమ్మఱ వచ్చి - రామునిఁ జూచి
తాదండ నొక కుశా-స్తరణంబు నందు
నాదరంబున నుంచి - యప్పుడిట్లనియె.
"నరనాథతనయ! వా - నప్రస్థులైన
పరమయోగీంద్రులు - పావక క్రియలఁ
దీరిచి చేరిన - తెరవరులకును
నీరమన్నమునిచ్చి - నెగులు వారింపఁ
దలఁపని యధముండు - దబ్బరసాక్షి
వలికిన నీచుఁడు -వడు నారకముల 1010
తాఁబడి తనమేను - తానె భక్షించి
లోఁబడి వాఁడధో - లోకమ్ము నొందు"
నని ధర్మశాస్త్రంబు - లందుఁ దెల్పుటను
