436
శ్రీరామాయణము
మహిళలతోఁ గూడి - మఱచె మితంబు
ఇంతలోఁ దప్పిన - దేమి? కౌశికుని
యంతవాఁడును దొల్లి - యచ్చరఁ గూడి
కాలంబు మఱవఁడే ? - కపినాథుఁ బట్టి
పాలార్పనగునె ద - బ్బరలాడె ననుచు?
కరుణింపఁ దగవు రా - ఘవునకు నీకు
వెఱపు దీర్చుట యొప్పు - విశ్వాసపరుడు! 3860
ఇంతటివారు మీ - రితరుల మనసు
లెంతయు నెఱుఁగ లే - కిటులాడఁ దగునె?
ఏమి వల్కిన నేమి - యిది మీకు కొదవ?
సామాన్యులే మీరు - సద్ధర్మపరులు
ప్రాకృతరీతి స - ర్వజ్ఞుఁడ వయ్యు
వాకొందురే యిచ్చ - వచ్చినయట్లు?
తగదెఱుఁగుదువు సీ - తను దెచ్చికాక
నగరికి రాచేర్చు - నా భాను సుతుఁడు?
చెల్లుమాకని యాడఁ - చెల్లునే? యెట్టి
బల్లిదులకు మీఁదు - పరికింప వలదె? 3870
చులకఁ జేతురె? భాను - జుఁడు కొంచగాఁడె?
తొలుతను నెఱుఁగక - తోడు వేడితిరె?
కార్యాంతరంబుఁ - కనియెద రితని
మర్యాద నాయాడు - మాట యిప్పటికి
సరిపోదు మీకు రా - జ్యముఁ గులసతిని
యొరులు చేకొని యార్తి - నొందించు కతన
మేలుగీడుల నొక్క - మేరనే నడువఁ
బోలునే యెంతటి - బుద్దిశాలులకు
