331
కిష్కింధా కాండము
గదియుచో నిచటి న - గశ్రేణి యెల్ల
ఘనసమాకలితన - గశ్రేణి యనఁగఁ
గనుపండువయ్యె రా - ఘవ! విలోకింపు
చొరవచ్చుగాని యీ - శోభనారామ
మరుదెవ్వరికి పున - రాగమనంబు1340
శింజానకనకలాం - చీరత్నకటక
మంజీరనినద సం - పదలాలకింపు!
వినవయ్య! యీవన - వీథులయందు
ననుపమ నృత్తవా - ద్యాది రావంబు!
రాసి నాసావివ - రప్రీతిగాఁగ
వాసన వలిగాలి -వచ్చునిచాయ!
నాహవనీయాది - హవ్యవాహనస
మాహితజ్వలిక - లవె విలోకింపు
మివియన్నియును నమ్ము - నీంద్రుల మహిమ
లవని జాగిలి మ్రొక్కు - మనుజుఁడు నీవు1350
వారలఁ దలఁచి యె - వ్వారు మ్రొక్కినను
శ్రీరామ కలుగు న - శేషసౌఖ్యములు."
అన విని యభిముఖు - లై రఘువరులు
మునుల నుద్దేశించి - మ్రొక్కి ప్రార్థించి
యలరుచు సప్తజ - నాశ్రమ స్థలము
తలఁగి కిష్కింధచెం - తకుఁ జేరఁబోయి
యావాలిపాలితం - బైన పట్టణము
క్రేవఁదమోవని - శ్రేణులయందు
శరచాపహస్తులై - శతమఘతనయ
చరణిత సంగర - స్థలిఁ జొచ్చి యుండ1360
