256
శ్రీరామాయణము
సేమంబునియ్య నే - ర్చినది గావునను
కావింపుఁడట్ల” నఁ - గని రఘువరుఁడు
భావించి ప్రీతిఁ గ - బంధున కనియె
"ఏము లేనట్టిచో - నింటిలోనున్న
భూమిజఁ జెఱఁగొని - పోయె రావణుఁడు
యింతమాత్రంబె మే - మెఱుఁగుదు మతని
నింతటివాఁడని -నిది నెలవనియు 6110
నెఱుఁగ మేరీతి వాఁ - డెచ్చటనుండు
పరిజనం బెంత యే - పట్టణం బునికి
మాసీత యేమయ్యె - మఱి నీవె కాని
యీసుద్ధి దెలుపువా - రెవ్వరు లేరు
"యే మనాథలము ది - క్కెఱుఁగక వెతలు
నీ మాడ్కి నడవుల - నెటుబోదు మనుచు
చేబారలిడు చోటఁ - జేసిన పుణ్య
మీ బాంధవునిఁ దెచ్చి - యిచ్చెను మాకు
నోయయ్య! తెలుపవే - యొకమాట యనిన
వాయెత్తి యిట్లని - వచియింప లేక 6120
సింధురగమనుఁ డా - శ్రీరాము ప్రాణ
బంధుఁడై నట్టిక - బంధుఁ డిట్లనియె
"సీత కార్యము మీకుఁ - జెప్పెద దహన
హేతిలో వైచి ద - హింపుము నన్ను
అంటిది దహియించి - నప్పుడుగాని
యంటదు నాకు ది - వ్యజ్ఞానశక్తి
యిట్టి పాపంబుల - కిరవైన మేన
నెట్టు దెల్చుదు మీర - లెంచిన తలఁపు
