206
శ్రీరామాయణము
చే రణంబున నీకు - సిద్ధంబు చావు
నాశహేతువునీకు - నా ప్రాణవిభుఁడు
దాశరథియె నీకు - దండధరుండు
వశమె యూపమున బ - ల్వడి కట్టువడిన
పశువు తప్పించుక - బ్రదుక నెంచఁగను?
రాముఁడు నిన్ను నే - రఁగఁ దేఱి చూడ 4900
నేమేర బ్రదుకుదు - వెఱుఁగవుగాక
వలసిన నాకునై - వనజారినైన
నిలఁగూల నేయు న - య్యినకులోత్తముఁడు
జలధులింకించు భా - స్కరు నడ్డగించు
తలక్రిందుగావించు - ధరణిమండలము
పొడిసేయు మేరువు - పోనీఁడు నన్ను
నెడవాయఁజాలఁడొ - క్కించుక తడవు
నీయాయువును నీదు - నిఖలరాజ్యంబు
నీయశంబునుఁద్రుంగె- నేఁటితోనిజము
పతిఁ బాయఁజాల నీ - పడతులఁ బాపు 4910
నతిశయంబగు పాప - మది రిత్తవోదు
దైవబలంబు చే - దశరథాత్మజుఁడు
నీవారితోనిన్ను - నిర్జింపఁ గలఁడు
మృత్యువుపెడరేఁప - మేలని నన్ను
దై త్యాధమాధమ - తగదు తెచ్చితివి
యొనరంగ స్రుక్ స్రువ - ద్యుపకరణములు
వినుతింపఁదగుయాగ - వేదికఁ జేర
చండాలుఁడర్హుఁడే - జానకిఁగర్మ
చండాల! నీకెట్లు - చను నాస చేయ? 4920
