172
శ్రీరామాయణము
నియ్యాన జగము లన్నియు నాకు వెఱచు
జనులు మృత్యువు గన్నఁ - జలియించు రీతి
ననుఁజూడ సురలప్రా - ణములు చలించు
దానవ గంధర్య - దైత్యకింపురుష4070
మానవసురసిద్ధ - మండలియెల్ల
వెఱతురు, తల్లులు - వేరైన యన్న
నరవాహనుఁడు గాన - నాకు నాతనికి
నొక కారణంబుచే- యుద్ధంబుఁ గలుగ
నకలుపషాత్మీయ మ - హాప్రతాపమునఁ
బాఱఁద్రోలిన యక్ష - పతి యందు నిలువ
నేరక ముక్కంటి - నెయ్యుండు గాన
కైలాసమునఁ దలఁ - కకయుండె నిట్టు
లాలంబు నే గెల్చి - యతని పుష్పకము
గైకొంటి నది కామ - గమనయోగ్యంబు 4080
నాకు వేడ్కను సేయు - నాఁడు నేఁటికిని
అందుమీదఁ జరింతు - లఖిల లోకముల
నిందీపరేక్షణ! - యింద్రాదిసురలు
నా పేరు వినిన నె - న్నఁడు దమ యిండ్లఁ
గాఁపురంబులు చేసి - కనుకూర్క రెపుడు!
చల్లగా నారతి - శ్రమ మార్ప గాని
వెల్లావిరిగ గాలి - విసరఁగ వెఱచు
మదినాకు హితమైన - మార్గంబెకాని
గదిమి భాస్కరుఁ డెండఁ - గాయంగ వెఱచుఁ
గలగఁగ స్వాదూద - కములచేఁగాని4090
