ఈ పుట ఆమోదించబడ్డది
శ్రీ వేంకటేశ్వర ప్రభాత స్తవము
85
తరులతా పరివేష్టితంబైన యట్టి
నిరుపమ కోనేటి నిర్మలాంబువుల
తిరుమజ్జనం బాడి దివ్యాంబరంబు
ధరియించి దిన్యగంధము మేనఁదాల్చి
నవరత్నమయ భూషణంబులు వెట్టి
వివిధ సౌరభముల విరు లోలి ముడిచి
ధారుణీసురులకు దానంబు లొసంగి
చేరి యక్షతములు శిరసునఁ దాల్చి
వినుతులు గావింప విబుధసన్మునుల
మనవులు విని వారి మన్నించి మించి
యగణీతరత్నసింహాసనారూడు
డగుచు మేరువుమీఁది యభ్రంబువోలె
గరకంకణోజ్ జ్వల క్వణనంబు లెసగ
సరసిజముఖులు వెంజామరల్ వీవ
బంగారు గుదియల పడవాళ్లు వరల
నారదవీణా నినాదంబు లెసగ
చారణ మునిసిద్ధ సంఘంబు గొలువ
నానాప్సరసృతుల్ నాట్యముల్ సేయ
నూనవేశులు మహామహులు సేవింప
ఘనతర నిత్య భోగంబులు వెలయ
