ఈ పుట అచ్చుదిద్దబడ్డది
రగణము సగణముఁ బొందై
భగభగయని పతిగృహంబు భస్మము సేయున్. 36
క. మారుతగణంబు సంప
త్కారణ మంభోగణంబు గదిసిన యపు డం
గారకగణంబు గదిసినఁ
జోరులచే బతిగృహంబు చూఱంబోవున్. 37
క. నేరక దుష్కవు లల్లుతు
టారపుఁ బద్యముల మొదల డాసినఁ దనలో
నారవిగణంబు గూడిన
మారుతగణ మధిపుబ్రతుకు మట్టము సేయున్. 38
క. తగణము మగణము గదిసిన
వగపగు సగణంబు గదియ వైరిభయంబు
న్నగణము గదిసినఁ దేజము
రగణము గదిసినను గర్తరాజ్యము సేయున్. 39
క. మొగవాత తగణ ముండఁగ
వగపగు యగణంబు దానివడినిడి కినుకం
దెగి తన్నుఁ జంపఁగడఁగెడు
పగవానికినైనఁ జనునె పద్యము చెప్పన్. 40
గీ. ఆదితగణ మొప్పు నదిదేవతా ఫలం
బరసి చూడ దాని కమరగురుఁడు
గ్రహముగానఁ బద్యగద్యముఖంబుల
మంచి దనుచు భీముఁ డెంచినాఁడు. 41
క. ఆరోగ్యప్రదుఁడగు నినుఁ
డారయ జగణమున కొడయఁ డది మొదలిడఁగా
