పుట:Shriiranga-mahattvamu.pdf/412

శ్రీరంగమహత్త్వము

257

చ.⁠

ధనకనకాదివస్తువులు దాన మొనర్పుము, దానఁజేసి చ య్యనఁ బెడఁడాయు నీయఘము లన్నియు, నంత ననంతకీర్తియున్ ఘనతరరాజ్యవైభవసుఖంబుఁ బవిత్రచరిత్రులైన నం దనులు ననామయత్వము ఘనంబగు నాయుపు నీకుఁ గల్గెడిన్.

⁠ 252

వ.⁠

అని యుపదేశించి యారాజుచేతఁ బూజితుండై నిజాశ్రమంబునకుఁ జనియె, సోమకుండును బ్రహృష్టమానసుండై తదుపదిష్టప్రకారంబున కళత్రమిత్రాప్తబంధుసమేతంబుగాఁ బుష్కరిణీతీర్థంబున కరిగి కృతస్నా నుండై యచ్చట హిరణ్యాదినానావిధదానంబుల విప్రుల నతితృప్తులఁ గావించి నిత్యమంగళాభిరామంబగు శ్రీరంగధామంబునకుం బోయి తద భ్యంతరంబున.

⁠ 253

సీ.⁠

పుండరీకాక్షుఁ బ్రస్ఫురితకౌస్తుభవక్షు నాజానుబాహు నీలాభ్రదేహు, మకరకుండలకర్ణు మహితకృపాపూర్ణు, నవపీతకౌశేయు నతవిధేయు, లక్ష్మీసముల్లాసు లలితకోమలహాసు నానావిధాకల్పు నాగతల్పు, బహువేదసంవేద్యు భవమహామయవైద్యు వరతులసీదాము సురలలాముఁ

⁠

తే.⁠

గలితశృంగారుఁ, ద్రిగుణవికారదూరు, శోభనాకారు భువనసంస్తుతవిహారు, యోగిహృద్గేయు నిజభక్తిభాగధేయు, సకలఫలదాయి శ్రీరంగశాయి గనియె.

⁠ 254

క.⁠

ధరఁ జాగి మ్రొక్కి రత్నా ధరణసువర్ణాంబరాది బహువస్తుతతుల్, పరువడిఁ గానుక లిడి సు స్థిరమతి తత్పూజనంబుఁ జేసినపిదపన్.

⁠ 255